سايىس قورىتىندىسى بويىنشا قازاقستان رەسپۋبليكاسىنىڭ قارۋلى كۇشتەرىنىڭ قۇراماسى جالپى كوماندالىق ءۇشىنشى ورىندى يەلەندى, ءبىرىنشى ورىندا رەسەي فەدەراتسياسىنىڭ كومانداسى جانە ەكىنشى ورىنعا قىتاي حالىق رەسپۋبليكاسىنىڭ اسكەري قىزمەتشىلەرى جايعاستى.
قازاقستاننىڭ كومانداسىن ۇيىمداستىرۋشىلار كورنەكىلەردىڭ ءبىرى دەپ تانىعانىن ايتا كەتكەن ءجون. ويىننىڭ تورەشىلەر القاسىنىڭ مۇشەلەرى قر قك اسكەري قىزمەتشىلەرىنىڭ جوعارى دايىندىق دەڭگەيلەرىن, كاسىپقويلىقتارى مەن جاۋىنگەرلىك ماشىقتارىن اتاپ ءوتتى.
قازاقستاندىق ارميانىڭ ابىرويى مەن بەدەلى ءۇشىن تۇرلەر مەن اسكەر تەكتەرىنىڭ, «استانا», «وڭتۇستىك», «باتىس», «شىعىس» وڭىرلىك قولباسشىلىقتارىنىڭ 300-گە جۋىق اسكەري قىزمەتشىسى حالىقارالىق ارەنادا باق سىناستى. قازاقستان قۇراماسىنىڭ قورجىنىندا 4 التىن, 4 كۇمىس جانە 4 قولا مەدال.
ودان باسقا, ارحو سايىسىنىڭ جابىلۋى شەڭبەرىندە قر قورعانىس ءمينيسترى ن. ەرمەكباەۆ رەسەي قورعانىس ۆەدومستۆوسىنىڭ باسشىسى ارميا گەنەرالى س. شويگۋمەن كەزدەسۋ وتكىزدى. ونىڭ بارىسىندا تاراپتار ءارى قارايعى ەكىجاقتى اسكەري ىنتىماقتاستىق ماسەلەلەرىن تالقىلادى.
