«ۇزدىك مامان» بايقاۋىنىڭ نەگىزگى ماقساتى – اقپاراتتىق-اناليتيكالىق ءبولىنىس قىزمەتكەرلەرىنىڭ كاسىبي شەبەرلىگىن شىڭداۋ, تاجىريبە الماسۋ, ولاردىڭ قىزمەتتەگى تيىمدىلىگىن ارتتىرۋ بولىپ تابىلادى.
اتالعان شاراعا وبلىستىق ىشكى ىستەر دەپارتامەنتتەرى بويىنشا ۇزدىك دەپ تانىلعان 17 قىزمەتكەر قاتىستى.
بايقاۋدىڭ العاشقى كۇنى پوليتسيا قىزمەتكەرلەرى ەكسترەمالدى جاعدايدا دايىندىقتارىن تەكسەرۋ ءۇشىن اتىس, دەنە دايىندىعى جانە كۇرەستىڭ جاۋىنگەرلىك تاسىلدەرى بويىنشا سىناقتان ءوتتى. سونىمەن قاتار ولاردىڭ فۋنكتسيونالدىق مىندەتتەرىنە قاتىستى پراكتيكالىق تاپسىرمالار بەرىلدى.
ەكىنشى كۇنى بايقاۋ قاتىسۋشىلارى قازاقستان رەسپۋبليكاسىنىڭ زاڭنامالارىن جانە ىشكى ىستەر ورگاندارىنىڭ قىزمەتىن رەتتەيتىن باسقا دا قۇقىقتىق اكتىلەردى مەڭگەرۋى بويىنشا تەستىلەۋدەن ءوتتى.
جارىستىڭ قورىتىندىسى بويىنشا جامبىل وبلىسى ءىىد-ءنىڭ ينسپەكتورى جانسايا ابدراەموۆا «ۇزدىك مامان» اتاندى. ال قالعان ورىنداردى قاراعاندىلىق تاتيانا بەرەزنيتسكايا مەن قوستانايلىق ناتاليا تسوي ءوزارا ءبولىستى. جەڭىمپازدارعا ەستەلىك سىيلىقتار مەن ماداقتاۋ قاعازدارى تابىس ەتىلدى.
