«اق ساراي» دەگەن اتاۋعا يە بولعان جاڭا نەكە سارايىنىڭ سالتاناتتى اشىلۋىنا قاراعاندى وبلىسىنىڭ اكىمى ەرلان قوشانوۆ تا قاتىستى. ءوڭىر باسشىسى احات ءبولىمىنىڭ جۇمىسىمەن تانىسىپ, ءدال سول كەزدە سالتانات زالىندا تىركەۋدەن ءوتىپ جاتقان جاس جۇبايلاردىڭ, التىن جانە كۇمىس توي يەلەرىنىڭ قۋانىشتارىنا ورتاقتاستى.
– قاراعاندىلىقتارعا ءدال وسىنداي سارايدىڭ كەرەكتىگى كوپتەن بەرى بەلگىلى بولاتىن. مۇنى قالاعا جاسالعان سىي دەپ قانا تۇسىنبەۋ كەرەك. بۇل پاتريوتتىقتىڭ جانە مەتسەناتتىقتىڭ, ەرەن ەڭبەكتىڭ جارقىن ۇلگىسى. ەلىمىزدىڭ ءار تۇرعىنى, ءار كاسىپكەرى «رۋحاني جاڭعىرۋ» باعدارلاماسىن جۇزەگە اسىرۋعا قاتىسۋى وتە ماڭىزدى, – دەپ اتاپ ءوتتى ءوڭىر باسشىسى.
بۇعان دەيىن قاراعاندىداعى نەكە سارايى ەسكى جانە تار عيماراتتا ورنالاسقان-دى. ەندى احات قىزمەتكەرلەرى كەڭ دە سامالاداي جارىق, جايلى جەردە جۇمىس ىستەيتىندىكتەرىنە قۋانىشتى ەكەندىكتەرىن ايتادى. بۇل جەردە شىلدە ايىنىڭ وزىندە 500-دەن استام تىركەۋ اكتىلەرى جۇزەگە اسىرىلعان ەكەن.
جالپى, مەيرامحانا جانە قوناق ءۇي كەشەنى رەتىندە سالىنعان جاڭا عيماراتتىڭ اۋماعى 16,5 مىڭ شارشى مەتردى قۇرايدى. جوبا قۇنى 3 ملرد تەڭگە تۇرادى.
«اق سارايدىڭ» بوي كوتەرگەن جەرى دە نەكەگە وتىرۋشى جاس جۇبايلار ءۇشىن وتە قولايلى.جاڭا عيمارات قالانىڭ قاق تورىنە سالىنعان ءارى ءدال جانىندا انەت بابا اتىنداعى ورتالىق مەشىت ورىن تەپكەن.
قايرات ءابىلدا,
«ەگەمەن قازاقستان»
