وتانىمىز – ورتاق

وبلىس دەلەگاتسياسىنىڭ قۇ­رامىندا استاناداعى ءتاۋ­ەل­­سىز­دىك سارايىندا ۇلت كوش­باس­شى­سى نۇرسۇلتان نازار­باەۆتىڭ رەسپۋبليكا تاۋەل­سىز­دىگىنىڭ جي­ىر­ما جىلدى­عىنا ارنالعان ءسوزىن تىكەلەي تىڭدادىم. ءجۇ­رەك­تەن شىق­قان ءسوز عانا ءجۇ­رەك­كە جەتەدى دەگەندەي, ەلباسىنىڭ تاۋەل­سىز­دىكتىڭ قا­دىر-قاسيەتى جانە ونى ودان ءارى نى­عايتۋ ءجو­­نىن­دە بارشا قازاقستان­دىق­تارعا ار­ناعان شى­نايى تىلەگى مەن لەبىزى ءبارىمىزدى تولقىت­تى. مەملەكەت باسشىسى ءوزى­نىڭ سوزىندە ەلدىڭ باستى باي­لىعى بىرلىك ەكەنىنە بىرنەشە رەت توق­تالدى. جاراتۋشى ەگە­مەن ەل حالقىنىڭ يىعىنا وراسان زور جۇك پەن اۋىرت­پالىق سال­عانىن ايتا كەلىپ, ونى بىرگە سەزىنۋدى جانى قالايتىنىن جەتكىزدى. ءسوز جوق, تاۋەلسىزدىك ءبارى­مىز­دىڭ باعا جەتپەس قۇندىلى­عىمىز بولىپ تابىلادى. ونى كوزدىڭ قاراشىعىنداي قورعاي ءبىلۋدىڭ دە ورنى ەرەكشە. تاۋەلسىز­دى­گى­مىزدى ودان ءارى نىعايتا ءتۇسۋ وعان قول جەتكىزۋدەن ءبىر مىسقال كەم ءتۇس­پەيتىن اسا جاۋاپتى ءىس دەپ تۇجىرىم جاساعىم كەلەدى. بۇل رەتتە نۇرسۇلتان ءابىش­ ۇلى ءوز سوزىندە تاۋەلسىزدىك­تىڭ ەڭ باستى جەتىستىگى جانە ونى نىعايتۋدىڭ باستى شار­تى – حالىقتار بىرلىگى ەكەنىن اتاپ كورسەتتى. بۇل قۇندى­لىق قازاقستان دامۋى­نىڭ كەز كەلگەن ساتىسىندا اي­رىق­شا ماڭىزعا يە بولماق, دەپ شەگەلەي ءتۇستى ودان ءارى ەلباسى. سالتاناتتى جيىنداعى ءسو­زىن قورىتىندىلاي كەلە مەملەكەت باسشىسى وعان قا­تىسۋشىلار­دىڭ نازارىن ءتاۋ­ەلسىزدىكتىڭ جال­عىز تىرەگى – بىرلىك ەكەنىنە تاعى دا اۋدار­دى. ءوز باسىم ءتاۋ­ەلسىزدىك سارايىندا پرەزي­دەنت­تىڭ كەز كەلگەن قازاقستاندىقتىڭ ءجۇ­رە­گىنىڭ تۇكپىرىندەگى ويدى ءدوپ باساتىنىنا ءتانتى بولىپ وتىردىم. اسىرەسە نۇرسۇلتان ءابىش ۇلىنىڭ وتانىمىز – ورتاق, تىلەگىمىز – ءبىر, ماقسا­تى­مىز – ايقىن دەگەن سوزدەرى ءبا­رىمىزدى اجەپتاۋىر قانات­تان­­دىرىپ تاستادى. ءبىز, قازاقستاندا تۇراتىن وزگە ۇلت وكىلدەرى وسىناۋ وي­لى سوزدەردىڭ ارعى استارى­نان مەملەكەت قۇراۋشى ۇلت­تىڭ توڭىرە­گىنە تىعىز توپتاسا ءتۇسۋ قاجەت­تى­لىگىن دە سەزىنگەندەي بولدىق. تەك سوندا عانا جەرى جۇماق, ەلى با­قىتتى وتانىمىزدىڭ كۇش-قۋاتى, ەكونوميكاسى مەن ءما­دەنيەتى, ىرىسى مەن نەسىبەسى ودان ءارى ارتا بەرمەك. تاۋەل­سىز­دىكتىڭ جيىرما جىلدى­عىنا ار­نالعان سالتاناتتى جيىندا ۇلت كوشباسشىسى اتاپ كورسەتكەن­دەي, ورتاق وتا­نىمىز قازاق­ستان­نىڭ ودان ءارى دامۋىنا ۇلەسى­مىز­دى قوسۋ ءبارىمىزدىڭ ورتاق مىندەتىمىز بولىپ قالا بەرمەك. ەلباسى بۇگىندە ەتنوستار ارا­سىنداعى جاراسىمنىڭ بىرەگەي ۇلگىسىنە اينالا بىلگەن قا­زاق­ستان حالقى اسسامبلەيا­سىن قۇ­رۋعا باستاماشى بولدى. ءبۇ­گىن­دە بۇل ۇيلەسىم مەن ءتاجىري­بەگە الەمنىڭ كوپتەگەن ەلدەرى نازار اۋدارىپ وتىر. ايتايىن دەگەنىم, اسسامبلەيا ءوزى قۇرىل­عان كۇننەن ەل بىرلىگىن نىعايتۋ مەن ۇلتارالىق قارىم-قاتى­ناستاردى تەرەڭدەتۋگە ىقپال جاساپ كەلەدى. ءبىز مۇنى دا تاۋەل­سىزدىكپەن بىرگە كەلگەن تاماشا قۇندىلىق دەپ تاني الامىز. ولگا دەرگاچەۆا, ورال قالاسىنداعى ەۆرەي ەتنومادەني بىرلەستىگىنىڭ ءتورايىمى. ورال.