حالىق تىلەگى – تىنىشتىق ەدى عوي...

16 جەلتوقسان كۇنى جاڭاوزەن قالاسىندا كەلەڭسىز جاعداي ورىن الدى. ورتالىق الاڭدا مەرەكەلىك  شارالار ءوتىپ جاتقاندا ءبىر توپ جاس­تار الاڭعا تىگىلگەن كيىز ءۇي­لەردى, مەرەكەلىك ساحنانى جانە جا­ڭاجىلدىق شىرشانى قيراتىپ, ءىس-شارانىڭ ودان ءارى وتۋىنە كەدەرگى كەلتىردى. حا­لىققا كوتەرىڭكى كوڭىل-كۇي, ءان-جىر سىيلاعالى تۇرعان قىز­مەتكەرلەرگە جازىقسىز ءجابىر كور­سەتتى. ولاردىڭ جالپى سانى ا­ل­عاشقى مىڭدىقتان بەس مىڭعا دەيىن جەتكەندە ءتارتىپ­سىزدىك ودان ءارى ەتەك الىپ, قۇقىق قورعاۋ ورگان­دا­رىنا دا قارسى ارە­كەتتەر جاسالدى. ءتۇرلى سوم تەمىر, سۋىق قارۋلارمەن, ءتىپتى, مىلتىقپەن قارۋلانعان توپ قالالىق اكىمدىك ءۇيىن, «وزەن­مۇ­نايگاز» وندىرىستىك في­­ليالىنىڭ كەڭسەسىن, بەس جۇل­دىز­دى «ارۋانا» قوناق ءۇيىن قيراتىپ, وتقا ورانتتى. جەكە ازاماتتاردىڭ 42 دۇكەنى, ەكى تۇرعىن ءۇي, قالاداعى ءىرى ساۋدا ور­ىندارى, «شولپان», «ات­لانتا», «تەحنودوم», ونداعان بانكوماتتار ورتەنىپ, قيراتىلىپ, دۇنيە-م ۇلىك, ازىق-ت ۇلىكتەر تالان-تاراجعا ءتۇستى. پوليتسيا قىزمەت­كەر­لە­رىنە ءتارتىپ­سىزدىكتى توقتاتىپ, ادام­­داردى قور­عاۋ ماقساتىندا قارۋ قولدانۋعا تۋرا كەلگەن. سونىڭ ءنا­تيجەسىندە ال­اڭ­داعى, كوشەلەردەگى قاقتىعىستار سال­دارىنان 10 ادام قازا تاۋىپ, 70-تەن استام ادام جا­راقاتتاندى. وقيعانىڭ ءورشي ءتۇس­كە­نى سول, ءتىپتى كەيبىر ازاماتتاردىڭ اۆ­توكولىكتەرى توقتاتىلىپ, وزدەرى تو­نالدى, دەدى جۋرناليستەرمەن اڭگى­مە­دە وبلىس­تىق ىشكى ىستەر دەپارتامەنتى باس­تى­عىنىڭ ورىنباسارى, پوليتسيا پولكوۆنيگى ت.مۇساحانوۆ. قا­لالىق اۋرۋحانادا بولعانىمىزدا جارا­قات الىپ تۇسكەندەرگە ءتيىستى كومەك ءوز دارەجەسىندە بەرىلىپ جات­قان­دى­عىنا كۋا بولدىق. ول جۇ­مىس­تار جايلى قازاقستان رەسپۋبليكاسى دەن­ساۋ­لىق ساقتاۋ مينيسترلىگىنىڭ جاۋاپ­تى حاتشىسى س.مۋسينوۆ مىر­­­زا جا­راقات العاندارعا ءتيىستى كو­مەك بەرۋ ءۇشىن استانانىڭ وزىنەن 18 ءدا­رىگەر كەلگەندىگىن, جاراقات ال­عاندار ءۇشىن قاجەتتى ءدارى-ءدار­مەكتەر دە, ماماندار دا جەتكىلىكتى ەكەندىگىن ايتتى. ىشكى ىستەر ءمينيسترى ق.قاسىموۆ, وبلىس باسشىسى ق.كوشەرباەۆ باس­تاعان توپپەن بىرگە كەشە جاڭا­وزەن­دە بولعانىمىزدا باسشىلاردىڭ كۇن­دىز-ءتۇنى ۇيىمداس­تى­رۋ, كومەك كورسەتۋ شارالارىمەن اينالىسىپ, حالىقتىڭ اماندىعى مەن ەلدىڭ تىنىشتىعىن ورنىق­تى­رۋ ءۇشىن جۇ­مىستار جۇرگىزۋدە ەكەندىگىن بايقا­دىق. جانە دە وبلىس باسشىسى بۇل ىستە ىشكى ىستەر باس­قارمالارى قىز­مەت­كەرلەرىنىڭ جان­قيارلىق ەڭبەك­تەرىن اتاپ كورسەتتى. جاراقات ال­عان­دارعا ءتيىستى كومەك بەرىلۋدە ەكەندىگىن جەتكىزدى. ءدال قازىر حالىقتىڭ تىنىشتىعىن ساق­تاۋ ءۇشىن بارلىق جاعدايلار جاسال­عاندىعىن ايتتى. قازىر قوعامدىق ءتارتىپتى بۇزعان 100-دەن استام جاستار ۇستالىپ, تەرگەۋ امالدارى ءجۇر­گىزىلۋدە. مۇنايشى­­لار ورداسى اتانعان جاڭاوزەن حالقى ءبۇ­گىندەرى وسىنداي قيىن ساتتەردى باستان ءوت­كەرىپ وتىر. بىزبەن كەزدەسكەن تۇر­عىندار اق تىلەكتەرى ەل تىنىش­تى­عى ەكەندىگىن ءبىلدىرىپ, الداعى كۇن­­دەر­دەن تەك قانا جاقسىلىق كۇ­تۋ­دە. ولارعا ءبىز دە سونى تىلەيمىز. جولامان بوشالاق,«ەگەمەن قازاقستان». ماڭعىستاۋ وبلىسى.