ونىڭ ايتۋىنشا, ەلىمىزدىڭ ءاربىر ازاماتى مەنشىگىندەگى م ۇلىكتەردى, ونىڭ ىشىندە پاتەرلەر, كولىكتەر, بانكتەگى سالىمدارىن كورسەتۋى ءتيىس. اتالعان دەكلاراتسيانى الدىمەن, كامەلەت جاسقا تولعان قازاقستاننىڭ بارلىق ازاماتتارى, ونىڭ ىشىندە ورالماندار مەن قازاقستاندا تۇرۋعا رۇقسات قاعازى بارلار, ەكىنشىدەن, مۇلكى نەمەسە م ۇلىكتە يا باعالى قاعازداردا ۇلەسى بار كامەلەتتىك جاسقا تولماعاندار, ۇشىنشىدەن, ەل اۋماعىندا مۇلكى بار شەتەلدىكتەر تولتىرادى.
− ۇيىڭىزدە ساقتاپ وتىرعان قولما-قول قاراجاتىڭىزدىڭ بارلىعىن كورسەتەسىز. ەگەر سوما 500 اەك-تەن اسىپ كەتسە (شامامەن 12 ملن تەڭگە) بانكتەن شوت اشىپ, سول جەرگە اقشاڭىزدى سالۋعا ءتيىسسىز. ياعني بانكتە وسىنداي كولەمدە اقشام بار دەپ كورسەتۋىڭىز قاجەت. ال كامەلەتكە تولماعاندار ءۇشىن ولاردىڭ اتا-انالارى, بولماسا قامقورشىلارى جسن ارقىلى دەكلاراتسيا كورسەتە الادى. ال قارجىنى قايدان العانىڭىزدى راستاۋ كەرەك ەمەس. الداعى ۋاقىتتا ءوزىمىز مونيتورينگ جۇرگىزەمىز, – دەدى تاقيەۆ.
الدىن الا بولجام بويىنشا, 2020 جىلى قازاقستاندا شامامەن 12 ملن 900 مىڭ ادام دەكلاراتسيا تولتىراتىن بولادى. ونىڭ ىشىندە 7,4 ملن ادام − قالا تۇرعىندارى جانە 5,5 ادام − اۋىل تۇرعىندارى بولادى دەپ كۇتىلۋدە. دەكلاراتسيانى تولتىرۋدىڭ ەكى مەرزىمى بەكىتىلگەن, ياعني قاعاز جۇزىندە ەسەپ بەرگىسى كەلگەندەر 15 شىلدەگە دەيىن, ال ەلەكتروندى تۇردە دەكلاراتسيا تولتىراتىندارعا 15 قىركۇيەككە دەيىن ۋاقىت بەرىلمەك. ءارى قاراي جىل سايىن «№260 فورماداعى» قىسقاشا دەكلاراتسيانى ەڭبەكاقى الاتىن ستۋدەنتتەر, زەينەتكەرلەر مەن ازاماتتار تولتىرادى.
ايتا كەتەرلىگى, ەلىمىزدە بۇعان دەيىن دە مەملەكەتتىك قىزمەتكەرلەر جىل سايىن تاپقان تابىسى مەن مال-مۇلكى جايىندا ەسەپ بەرۋدى داعدىعا اينالدىرعان. وتكەن جىلى مەملەكەتتىك قىزمەتكەرلەر تولتىرعان دەكلاراتسيادا 1000-نان اسا كەمشىلىك ەسەپكە الىنىپ, ونىڭ ىشىندە سوتقا جىبەرىلگەندەرى دە بار.
جاپپاي دەكلاراتسيالاۋ الدىمەن ەلدەگى جەمقورلىقتىڭ الدىن السا, ەكىنشى كەزەكتە كولەڭكەلى ەكونوميكاداعى قارجى اينالىمىنىڭ تامىرىنا بالتا شاپپاق. بۇل رەتتە وفشورلى ايماقتاعى شەتەل اسقان قاراجاتتاردىڭ دا ەلگە قايتارىلۋىنا ناقتى قادامدار جاسالادى.
ەركەجان ايتقازى,
«ەگەمەن قازاقستان»
