«اباي-ۆەرن» باعدارلاماسىنىڭ سەرتيفيكاتتارى تابىس ەتىلدى «اباي-ۆەرن» باعدارلاماسى جوعارى بىلىكتى مامانداردى دايىنداۋ, قوس ديپلومدى ءبىلىم بەرۋ سالاسىنداعى قازاقستان-فرانتسۋز ارىپتەستىگىن نىعايتۋدى ماقسات ەتەدى. ءارى قازاقستاندىق ستۋدەنتتەردى فرانتسيانىڭ جوعارى وقۋ ورىندارىندا وقىتۋدىڭ جاڭا كوكجيەگى بولىپ تابىلادى.
اتالعان باعدارلامانىڭ قابىلداۋ كوميسسياسى دەرەكتەرى بويىنشا 2018-2019 وقۋ جىلىنا جۇزدەن اسا ءوتىنىش قابىلدانعان. وسىعان وراي ساراپشىلار توبىنىڭ ىرىكتەۋى ناتيجەسىنە سايكەس 2-كۋرس ماگيسترانتتارىنان – 55, دوكتورانتتار قاتارىنان 10 كانديدات فرانتسيادا بىلىمدەرىن جالعاستىرۋعا مۇمكىندىك الىپ وتىر.
ءىس-شارانىڭ اشىلۋ سالتاناتىندا فرانتسيادا ءبىلىم الىپ قانا قويماي, مول تاجىريبە جيناقتاپ قايتاتىن ستۋدەنتتەرگە ۋنيۆەرسيتەت رەكتورى تاكير بالىقباەۆ بۇل ساپاردىڭ ۇلكەن جاۋاپكەرشىلىككە تولى ەكەندىگىن ءارى كارى قۇرلىقتىڭ وزىق تاجىريبەلەرىن ەلىمىزدىڭ كەلەشەگى جولىندا جان-جاقتى مەڭگەرىپ قايتاتىندارىنا زور سەنىم ءبىلدىردى.
سەرتيفيكاتتاردى تابىستاۋ راسىمىنە فرانتسيانىڭ قازاقستانداعى ەلشىسى فيليپپ مارتينە, قر ۇعا پرەزيدەنتى, پروفەسسور مۇرات جۇرىنوۆ, قر ءبىلىم جانە عىلىم مينيسترلىگىنىڭ جاۋاپتى حاتشىسى ارىن ورساريەۆ قاتىسىپ, ت.ب. ستۋدەنتتەرگە ءسات-ساپار تىلەدى.
ەلۆيرا سەرىكقىزى,
«ەگەمەن قازاقستان»
الماتى
