كاسىپكەرلىكتى قورعايدى

ەلباسى وڭتۇستىككە كەلگەن ساپا­رىن­دا الەمدىك داعدارىس جاعدايىندا سان مىڭداعان ادامدار جۇمىس جاسايتىن الىپ كونتسەرندەردىڭ قايراڭداپ قالعان كەمەلەردەي حال كەشكەنىن ايتقان. ال شاعىن جانە ورتا كاسىپكە باعىتتالعان گەرمانيا داعدارىستى ايتارلىقتاي سەزىنە قويماعان. سوندىقتان, قازاقستاننىڭ نەگىزگى ارقا تىرەرى شاعىن جانە ورتا كاسىپ بو­لادى دەگەندى اڭعارتقان ەدى. الايدا, ءبىرىن ەكى ەتىپ, كاسىپ اشقان, كەتپەن شاپقان, مال باققان اعايىنعا قىز­مەتىن پايدالانىپ جولىن باققان­دار, وڭايدان ولجا ىزدەپ, شيبورىدەي تالاي­­تىن­دار جەتىپ ارتىلادى. وندايدا كاسىپ­كەرلەردىڭ سايا تابارى قۇقىق قور­عاۋ ور­گان­دارى, ونىڭ ىشىندە قارجى پو­ليتسياسى. ءبىز تاۋەلسىزدىك مەرەكەسى قارساڭىن­دا وڭتۇستىك قازاقستان وبلىسى بويىن­شا ەكونوميكالىق قىلمىسقا جانە سى­باي­لاس جەمقورلىققا قارسى كۇرەس دە­پارتامەنتىنىڭ باستىعى, پولكوۆنيك نۇر­لان قامباتىروۆقا جولىعىپ, ساۋال­دا­رىمىزعا جاۋاپ العان ەدىك. – قارجى پوليتسياسىنىڭ ەلباسى سارالاعان نەگىزگى مىندەتتەرىنىڭ ءبىرى – وت­ان­دىق كاسىپكەرلىكتى قولداۋ, – دەيدى پولكوۆنيك. شاعىن جانە ورتا كاسىپتىڭ ءور­كەن­دەۋىنە قىسىمدى بولدىرماۋ ماق­س­ا­تىن­دا جەرگىلىكتى كاسىپكەرلەرمەن تۇ­راق­تى كەزدەسىپ, ەكى جاقتى بايلانىس ورنا­­­تۋ­دامىز. كاسىپ­كەرلىكتى تەكسەرۋگە موراتوري جاريالانعانىن قۇپ كورگەنىمىزبەن حا­لىق دەنساۋلىعىنا نۇقسان كەلتىرەتىن ءدارى-دارمەكتەر, ازىق-ت ۇلىك, سپيرتتىك ىشىمدىكتەردىڭ زاڭسىز اينالىمىنا با­قى­لاۋ جۇرگىزىلەدى. مەملەكەتتى الداپ, پايدا تاباتىنداردىڭ ادىمى قىسقا, وعان جول بەرمەيمىز. دەپارتامەنت پەن «اتامەكەن وداعى» ۇلتتىق ەكونومي­كا­لىق پالاتاسى, «وڭتۇستىك قازاقستان وبلىسى كاسىپكەرلەرى مەن جۇمىس بەرۋشىلەر» وداعىمەن ءوزارا مەموراندۋم قابىلدانعان. ءار اپتانىڭ سارسەنبىسى كا­سىپكەرلەر كۇنى دەپ بەلگىلەنگەن. بۇل كۇنى كەز كەلگەن كاسىپكەردىڭ دەپارتامەنت باستىعىنىڭ قابىلداۋىندا بو­لىپ, شاعىمىن ايتۋىنا مۇمكىندىگى بار. دەپارتامەنت قىزمەتكەرلەرى وندايدا كاسىپكەرلىكتىڭ ادىمىنا تۇساۋ سالعىسى كەلەتىندەرمەن ىمىراعا كەلمەيدى. وسىلاي دەگەن دەپارتامەنت باستىعى “تاۋەلسىزدىكتى باياندى ەتۋ – بارشا قا­زاق­ستاندىقتاردىڭ مۇراتى. ءبىز دە وسى تور­قالى تويعا ءوز سۇبەلى ۇلەسىمىزدى قوسىپ كەلەمىز” دەدى. راسىندا, ەكونوميكالىق قىلمىسقا قارسى كۇرەسەتىن دەپارتامەنتتىڭ مەملەكەتكە وراسان كومەگى بارىن بىرەر فاكتىلەرمەن ءتۇيىپ ايتۋعا بولادى. ماسە­لەن, 2007 جىلى عانا جۇمىسقا قابىل­دانعان قارجى پوليتسياسىنىڭ كاپيتانى قانات ابلاقانوۆ ءوز ىسكەرلىگىنىڭ ءناتي­­­جەسىندە 1 ملرد.-تان استام قارجىنى مەملەكەت پايداسىنا قايتارعان. ءاربىر قىزمەتكەر ءوز ىسىنە مۇقيات قاراپ, مەملەكەت پايداسىنا جۇمىس ىستەيتىن بولسا, ونىڭ ءوزى تاۋەلسىزدىكتى تۇعىرلى ەتۋگە قوسقان ۇلەس بولىپ سانالاتىنى انىق. باقتيار تايجان, وڭتۇستىك قازاقستان وبلىسى.