وبلىستىق تابيعي رەسۋرستار مەن تابيعات پايدالانۋ باسقارماسى باسشىسىنىڭ مىندەتىن اتقارۋشى سامات قاليەۆتىڭ ايتۋىنشا, سوڭعى جىلدارى ورمان مەكەمەلەرىن قارجىلاندىرۋ جاقسارىپ كەلەدى. سوعان وراي جىل سايىن جاسىل جەلەكتى اۋماقتاردى قورعاۋ, ورمان قورىن قالپىنا كەلتىرۋ شارالارى ۇزدىكسىز جۇرگىزىلىپ كەلەدى. 2013 جىلدان بەرى وبلىس وڭىرىندە ورمان القابى 16 مىڭ گەكتارعا كەڭەيگەن. بۇل جاقسى ناتيجە.
«ورماندى ورتتەن قورعاۋ جۇمىستارىنىڭ 2018-2020 جىلدارعا ارنالعان جوسپارى بەكىتىلگەن. وندا جەرگىلىكتى اكىمشىلكتەر مەن توتەنشە جاعدايلار دەپارتامەنتى, اۋىل شارۋاشىلىعى, جولاۋشىلار كولىگى مەن اۆتوجولدار باسقارمالارى, «قازاقستان تەمىر جولى» قوستاناي بولىمشەسى بىرىگىپ ارەكەرت ەتەدى. بيىل «سەميوزەر» جانە «ميحايلوۆ» ورمان شارۋاشىلىقتارىندا وقۋ-جاتتىعۋ جۇمىستارى جۇرگىزىلدى» دەيدى سامات قاليەۆ.
كولەمى 217 مىڭ گەكتار بولاتىن قىلقان جاپىراقتى ورمان القابىن اۆياتسيالىق باقىلاۋ رەسپۋبليكالىق بيۋدجەتتەن قارجىلاندىرىلادى. ماماندار ورمانعا نەگىزگى قاۋىپ ءوز-وزىنەن تۇتاناتىن دالا ورتىنەن بولاتىنىن ايتىپ وتىر.
ء نازيرا جارىمبەت,
«ەگەمەن قازاقستان»
قوستاناي
