استانا – تۇتاس الاشتىڭ استاناسى بولسا, باتىس قازاقستان وبلىسى – رەسەي فەدەراتسياسىنىڭ بەس وبلىسىمەن شەكتەسەتىن ەلىمىزدىڭ باتىس قاقپاسى. استانامەن بىرگە ءبىزدىڭ وبلىس تا جىل ساناپ, قارىشتى دامىپ, شەتەلدەرمەن تاۋار اينالىمى تۇراقتى, ءوندىرىستى وڭىرگە اينالدى. بيىل ايماققا ارنايى جۇمىس ساپارىمەن كەلگەن ەلباسى ن.نازارباەۆ شەكاراعا جاقىن جاتقان وبلىستىڭ كاسىبىن دامىتۋعا وتە قولايلى كليمات بارلىعىن باسا ايتقان بولاتىن. سونداي-اق ەكولوگيالىق جاعىنان «ەلدەگى ەڭ تازا قالا» دەگەن باعاسىن دا بەرىپ كەتتى. بۇل دەگەنىڭىز – استانامەن بىرگە جىل سايىن جاڭارىپ, دامۋ باعىتىندا ىلگەرى جىلجىپ كەلە جاتقان ايماقتىڭ ابىرويى ارتقانىنىڭ بەلگىسى.
ەلباسى ساپارى بارىسىندا جانىبەك پەن بوكەي ورداسى اۋداندارىنا باراتىن تاس جول قۇرىلىسىن جەدەلدەتۋ تۋرالى ۇكىمەتكە تاپسىرما بەرىپ, ول جۇمىس جاڭا قارقىنمەن جۇرگىزىلىپ جاتىر. بۇعان دەيىن شالعايداعى اۋداندى وبلىس ورتالىعىمەن جالعايتىن كۇرە جولدىڭ جاعدايى جايىق جۇرتىن قاتتى الاڭداتقان ماسەلە بولاتىن. بۇل دا ەلباسىنىڭ تىكەلەي ارالاسۋىمەن جۇزەگە اسىپ جاتقان ءىرى جوبانىڭ بىرىنە اينالدى.
باتىس قازاقستان وبلىسى استانانىڭ 20 جىلدىق مەرەيتويىنا كەڭەس وداعىنىڭ باتىرى مانشۇك مامەتوۆانىڭ ەسكەرتكىشىن سىيعا تارتتى. قاندى قىرعىندا ەلى ءۇشىن جانىن قيعان قازاقتىڭ باتىر قىزىنىڭ ەڭسەلى ەسكەرتكىشى ەلوردانىڭ جەڭىس داڭعىلى بويىندا ورناتىلدى. بۇل – ءبىزدىڭ استانامىزعا دەگەن ورتاق سىيىمىز! ءبىزدىڭ ورتاق ابىرويىمىز!
استانا – ارمانى اسقاق, اسۋى بيىك جاندار سالعان قالا. ەلىنىڭ ءبىر كۇندىگىن ەمەس, جۇرتىنىڭ 100 جىلدىق بىرلىگىن ويلاپ, ەلباسىنىڭ سالعان قالاسى. ەۋرازيا كىندىگىنە ورنالاسقان التى الاشتىڭ باس قوسقان قاسيەتتى جەرى, الەمدىك ماڭىزى بار ماسەلەلەر تالقىلاناتىن اشىق الاڭ, بەيبىتشىلىك پەن كەلىسىمنىڭ ورداسى. بارلىق باتىس قازاقستان وبلىسىنىڭ حالقى اجارلى استانانى 20 جىلدىق مەرەيتويىمەن شىن جۇرەكتەن قۇتتىقتاپ, ەڭسەلى ەلوردانىڭ ودان ءارى دامىپ, جەتىلۋىنە ءبىر ەل بولىپ كۇش سالاتىنىن جەتكىزەمىز!
تۋعان كۇنىڭمەن, استانا!
حامزا ابدراحمان ۇلى سافين,
ۇوس ارداگەرى,
اقۇشتاپ باقتىگەرەيقىزى باقتىگەرەەۆا,
قازاقستان جازۋشىلار وداعى وبلىستىق فيليالىنىڭ ءتورايىمى, اقىن, حالىقارالىق الاش سىيلىعىنىڭ لاۋرەاتى,
اقسەرىك سارى ۇلى ءايتىموۆ,
قازاقستان اقپاراتتىق تەحنولوگيالار جانە باسقارۋ ينستيتۋتىنىڭ عىلىمي-اعارتۋشىلىق كەشەنىنىڭ پرەزيدەنتى,
ابات قادىم ۇلى ەسەنعاليەۆ ,
ەڭبەك ارداگەرى,
جايساڭ دوسبولاي ۇلى اقباي,
ولكەتانۋشى, ەڭبەك ارداگەرى,
راحمەتوللا حاميت ۇلى سۇيىرباەۆ,
ەڭبەك ارداگەرى
