پارتيا ساياسي كەڭەسىنىڭ وتىرىسىندا ەلباسى پارتيالىق كادرلاردىڭ الەۋەتىن ارتتىرىپ, بۇل سالانى جۇيەلى جاڭعىرتۋ تۋرالى ناقتى تاپسىرما بەرگەن بولاتىن. سوعان سايكەس «نۇر وتان» پارتياىشىلىك ترانسفورماتسيانى قولعا الىپ, كادرلىق ساپانى كۇشەيتۋدى باستاپ كەتتى. سوندىقتان بيىل ەلىمىزدىڭ جەتەكشى پارتياسىنا مۇشە بولعىسى كەلگەندەر ءۇشىن نۇروتاندىق اتانۋ وڭايعا تۇسكەن جوق. ولاردىڭ ارقايسىسى ءتۇرلى تالاپتار بويىنشا ىرىكتەلىپ, تاڭدالىپ الىندى.
سالتاناتتى شارانى اشقان پارتيا توراعاسىنىڭ ءبىرىنشى ورىنباسارى ماۋلەن اشىمباەۆ الدىمەن قاتىسۋشىلاردى استانا كۇنىمەن قۇتتىقتاپ, بيىل بۇل مەرەكەنىڭ ءمانى دە, ماڭىزى دا بۇرىنعىدان وزگەشە ەكەنىن ايتتى. ۇيىم قاتارىنا جاڭادان قابىلدانعان جاس نۇروتاندىقتار الداعى ۋاقىتتا ەلباسى باستامالارىن جۇزەگە اسىرۋعا ەلەۋلى ۇلەس قوساتىنىنا سەنىم ءبىلدىردى.
نۇروتاندىق اتانعان ازاماتتاردىڭ قاتارىندا بۇعان دەيىن دە پارتيانىڭ ءار باستاماسىن قولداپ, ونىڭ ىسكە اسىرىلۋىنا ءوز ۇلەسىن قوسىپ, پارتيالىق جوبالارعا بەلسەندى قاتىسىپ جۇرگەن جاندار بار. ناقتى ايتقاندا, ماتەماتيكا, فيزيكا جانە ينفورماتيكا پاندەرىنىڭ مۇعالىمدەرى اراسىنداعى حالىقارالىق كرەاتيۆتى وليمپيادانىڭ جەڭىمپازى, باعدارلامالاۋ نەگىزدەرىن وقىتاتىن كومپانيانىڭ جەتەكشىسى ابزال ورازاليەۆ, ەرەكشە كۇتىمدى قاجەت ەتەتىن بالالارعا ارنالعان اعىلشىن ءتىلىن ۇيرەتەتىن كۋرستاردى ۇيىمداستىرۋشى مانسۇر قۇرمانعاليەۆ, «بوگاتىر كومير» كومپانياسىنىڭ باسشىسى, پارتيانىڭ «بالالارعا ارنالعان تەگىن ءىت-سىنىپ» جوباسىنىن دەمەۋشىلەردىڭ ءبىرى رۋستام سانسىزباەۆ, «قازاقستاننىڭ اگرو يننوۆاتسيالىق كورپوراتسياسى» جشس-ءنىڭ باس ديرەكتورى, كوكشەتاۋ قالاسىندا پارتيالىق جوبالاردىڭ جۇزەگە اسىرىلۋىنا قارجىلاي قولداۋ كورسەتكەن كاسىپكەر ولەگ بالىبين بۇگىن پارتيالىق بيلەتتەرىن الدى.
جولدىباي بازار,
«ەگەمەن قازاقستان»
