تۋدىرعان كەمەڭگەرسىز ۇلى ءداۋىر,
كوتەرگەن زامانانىڭ جۇگىن اۋىر.
ايبىندى اعاسىسىز التى الاشتىڭ,
جاقسىنىڭ ءبارى سىزگە ءىنى-باۋىر!
بۇل كۇندە وقيعا كوپ ويدى بۇزعان,
تابانى تالايلاردىڭ تايدى مۇزدان...
تاپسىرعان ءتاڭىر ءوزى اماناتتاپ,
تۇسپەسىن ەل پارىزى موينىڭىزدان!..
جول سالىپ تۇركىستاننىڭ جۇرەگىنە,
تۇركىنىڭ اينالدىردىڭ تىرەگىنە.
ارۋاقتار اۋناپ ءتۇسىپ بەردى باتا,
قوسىلىپ قالىڭ ەلدىڭ تىلەگىنە.
ادامعا باقىت كەرەك وزگە قانداي,
استانا ىشتەن شىققان ءوز بالاڭداي؟!
تۇسىرگەن نۇر ساۋلەسىن بولاشاققا,
قاراسا كەلبەتىنە كوز قانارداي...
جەتكىزىپ ايتا الماسام, كەشىرىڭىز,
ءبىر ۇعىم استانامەن ەسىمىڭىز!
ماڭگىگە قۇيىپ كەتۋ مىندەتىمىز –
ۇرپاقتىڭ زەردەسىنە وسىنى ءبىز!
نەسىپبەك ايت ۇلى,
مەملەكەتتىك
سىيلىقتىڭ لاۋرەاتى
