«سپورتتىق الماتى» باعدارلاماسى اياسىندا وتەتىن ۆەلوشەرۋدىڭ قاشىقتىعى 9 شاقىرىمدى قۇرايدى. قالا قوناقتارى مەن تۇرعىندارى «نۇرلى تاۋ» بيزنەس ورتالىعىندا 8:30-دا جينالىپ, 09:00-دە باستايدى. اۋەسقويلار شىعىس اينالىم اۆتو جولى, تولە بي, دوستىق, شەۆچەنكو, جەلتوقسان كوشەلەرىمەن ءجۇرىپ, استانا الاڭىندا مارەگە جەتەدى.
مارەدە قاتىسۋشىلاردىڭ اراسىندا باعالى سىيلىقتار ويناتىلادى. باستى سىيلىق – ۆەلوسيپەد. ۆەلوشەرۋ «Challenge. سەنىڭ جاڭا قىرىڭ!» جوباسى اياسىندا فينالدىق بۇقارالىق جاتتىعۋىمەن جالعاسادى. ۇيىمداستىرۋشىلار ءوز تاراپىنان, قاتىسۋشىلارعا ارنايى باس كيىمسىز (شلەمسىز) قاتىسۋعا تىيىم سالىناتىندىعىن ەسكەرتەدى.
ايتا كەتەر جايت, بۇل ۆەلوشەرۋ «سپورتتىق الماتى» قالالىق باعدارلاماسىنىڭ قولداۋىمەن 2018 جىلى جوسپارلانعان 21 ۆەلوشەرۋدىڭ توعىزىنشىسى بولىپ سانالادى.
دايىنداعان ايناش ەسالي,
«ەگەمەن قازاقستان»
الماتى
