مەموراندۋم قازاقستاندا كاسىپكەرلىكتى دامىتۋعا باعىتتالعان ۇزاق جانە ورتا مەرزىمدى جوبالاردىڭ جۇزەگە اسۋ بارىسىنا قولداۋ كورسەتۋدى كوزدەيدى. تاراپتار ەلدەگى شاعىن جانە ورتا كاسىپكەرلىكتى دامىتۋ ءۇشىن ينۆەستيتسيا تارتۋ بويىنشا حالىقارالىق ۇيىمدار مەن دامۋ ينستيتۋتتارىمەن ارىپتەستىك ورناتۋدى كوزدەپ وتىر.
«استانا» حالىقارالىق قارجى ورتالىعىمەن بىرلەسىپ قازاقستانداعى كاسىپكەرلىكتى ناسيحاتتاۋ مەن دامىتۋعاباعىتتالعان كەشەندى شارالاردى قولعا الماقپىز. بۇل – ۇلكەن يننوۆاتسيالىق جوبانىڭ ءبىر بولىگى. ونىڭ كومەگىمەن كاسىپكەرلەرگە قولداۋ كورسەتىپ, ولار ءۇشىن بارلىق جاعدايدى جاساماقپىز», – دەدى داۋلەت ابىلقايىروۆ.
«دامۋ» قورى مەن قارجى ورتالىعىنىڭ ارىپتەستىگى ەلدىڭ جەكە سەكتورىنا قاراجات تارتۋعا مۇمكىندىك بەرەدى. وسىلايشا, احقو وڭىردەگى الدىڭعى قاتارلى قارجى ورتالىعى رەتىندە قازاقستانداعى كاسىپكەرلىكتى قولداۋ شارالارىنا ءوز ۇلەسىن قوسادى», – دەدى «استانا» حالىقارالىق قارجى ورتالىعى باسقارما توراعاسى نۇرلان قۇسايىنوۆ.
قۇجات اياسىندا قازاقستان رەسپۋبليكاسى شاعىن جانە ورتا كاسىپكەرلىك وكىلدەرىنىڭ اقپارات الۋ ساپاسىن ارتتىرۋعا ارنالعان بىرلەسكەن يننوۆاتسيالىق جوبالار جاسالىپ, قارجى, ينۆەستيتسيا جانە الەۋمەتتىك عىلىمدار سالاسىنداعى مامانداردى كاسىبي تۇردە وقىتۋعا باعىتتالعان بىرلەسكەن ءبىلىم بەرۋ باعدارلامالارى دايىندالادى.
دايىنداعان ايناش ەسالي,
«ەگەمەن قازاقستان»
الماتى
