- بۇگىنگى كۇنى قازاقستانعا يسلام قارجىسىن تارتۋعا قىزۋعىشىلىق تانىتىپ وتىرعان كومپانيالار بار. اتاپ ايتقاندا, ءباا-نەن جانە يسلامدىق سۋكۋك شىعارۋ بويىنشا ۇسىنىس بار. مىسالى, بۇعان دەيىن مەملەكەتتىك سۋكۋك شىعارۋ تۋرال كوپ ايتىلدى. بىراق ونى شىعارۋ ءۇشىن قارجى ورتالىعى قۇرىلعانعا دەيىن ازاماتتىق كودەكس نەگىزىندە جۇمىس ىستەۋ پروتسەسسى وتە ۇزاق بولدى. ءار قادامعا ارنايى زاڭ شىعارۋ كەرەك. ال استانا قارجى ورتالىعى اعىلشىن قۇقىعى بويىنشا جۇمىس ىستەيدىكتەن, بۇل پروتسەسستەر الدەقايدا جەڭىلدەي ءتۇستى. ەكىنشىدەن, قازاقستاننىڭ كورپوراتيۆتىك قۇقىقتارى نەمەسە مەملەكەتتىك سۋكۋك شىعارۋ بۇعان دەيىن شەتەلدە جۇزەگە اسىرىلىپ كەلدى. قازاقستان دامۋ بانكىنىڭ سۋكۋكگىن مالايزيادا شىعاردى. نەگە دەسەڭىز, ينۆەستورلار سول جاقتا بولدى. ينۆەستورلار تۇسىنىكتى زاڭناما بار جەردە جۇمىس ىستەيدى, تۇسىنىكتى زاڭناما مەن تۇسىنىكتى بيرجادا شىعارۋ ماڭىزدى. بىرىككەن اراب امىرلىكتەرى اراب ەلدەرىنە باعىتتالعان بولسا, سول جاققا بارىپ شىعارۋ كەرەك بولدى. ەۋروپانىڭ نارىعىنا شىعارۋ كەرەك بولسا, ەۋروپا ەلدەرىنە بارىپ شىعارۋ كەرەك-ءتىن. ەندى وسىنىڭ ءبارى استانا حالىقارالىق قارجى ورتالىعىندا شىرىلادى. قازاقستانعا كەلىپ سۋكۋك ساتىپ الامىن دەگەن ينۆەستورلارعا ەشقانداي كەدەرگى جوق.
ارنۇر اسقار,
«ەگەمەن قازاقستان»
