شارانىڭ باستى ماقساتى – مەملەكەت باسشىسىنىڭ ءىرى كاسىپورىنداردى شاعىن جانە ورتا بيزنەس سۋبەكتىلەرىمەن بىرىكتىرۋ شارالارىن قابىلداۋ تۋرالى تاپسىرماسىنا سايكەس ەRG كومپانياسىنىڭ ساتىپ الۋ راسىمىنە قول جەتكىزۋدى كەڭەيتۋ.
كەزدەسۋگە شاعىن جانە ورتا بيزنەس مارتەبەسى بار وتىزدان اسا اقتوبەلىك ءتۇرلى كومپانيالار قاتىستى. اتاپ ايتقاندا, كورمەدە ارنايى كيىمدەر تىگەتىن, بەكىتپە بۇيىمدارىن, ورتكە قارسى جابدىقتاردى, پوليەتيلەن قۇبىرلارىن, فيلتراتسيالايتىن ەلەمەنتتەردى, سورعىلاۋ جانە جەلدەتكىش قۇرال-جابدىقتارىن, قاعاز ونىمدەرىن, ازىق-ت ۇلىك شىعاراتىن كاسىپورىندار, تاعامدانۋدى ۇيىمداستىرۋ ۇيىمدارىنىڭ قىزمەتىن كورسەتەتىن كومپانيالار جانە ت.ب. ءوز ونىمدەرىن ۇسىندى.
وبلىس اكىمى بەردىبەك ساپارباەۆ پەن «ەۋرازيالىق توپتار» مەنەدجەرلەرى كەڭەسىنىڭ توراعاسى الەكساندر ماشكەۆيچ, «اتامەكەن» وكپ وكىلدەرى قاتىسقان دوڭگەلەك ۇستەل كەزىندە تاراپتار ەRG-ءدىڭ اقتوبەلىك شاعىن جانە ورتا بيزنەسپەن سەرىكتەستىگىنىڭ وزەكتى سۇراقتارىن تالقىلادى.
وبلىس اكىمى شاعىن جانە ورتا كاسىپكەرلىكتى دامىتۋ مەملەكەتتىڭ ستراتەگيالىق مىندەتى بولىپ تابىلاتىنىن اتاپ ءوتتى.
- پرەزيدەنت نۇرسۇلتان ءابىش ۇلى 2050 جىلعا قاراي شاعىن جانە ورتا بيزنەستىڭ ەل ەكونوميكسىنداعى ۇلەسىن 50 پايىزعا دەيىن كوبەيتۋ مىندەتىن قويدى. بۇگىندە اقتوبە وبلىسىنىڭ ەكونوميكاداعى شاعىن جانە ورتا بيزنەسىنىڭ ۇلەسى 32 پايىزدى قۇرايدى. وسىنداي كەزدەسۋلەردىڭ, مەملەكەتتىك قولداۋ شارالارىنىڭ ارقاسىندا بۇل كورسەتكىش جىل سايىن ءوسىپ كەلەدى. ءبىز كاسىپكەرلىكتى دامىتۋ ءۇشىن قولايلى جاعداي جاساۋعا تىرىسامىز. سونداي-اق, «قازحروم» 25 جىلدىڭ ىشىندە وبلىس ەكونوميكاسىنا شامامەن جارتى تريلليون تەڭگە ينۆەستيتسيالاعانىن ايتقىم كەلەدى. وسى جىلعا 70 ميللياردتاي تەڭگە جوسپارلانعان. ERG باسشىلىعىنا باستامالاردى قولداپ, ءوز ءوندىرىسىن توقتاۋسىز جەتىلدىرىپ وتىرعانى ءۇشىن العىس ايتامىز,-دەپ اتاپ ءوتتى بەردىبەك ساپارباەۆ.
ءوز كەزەگىندە ا. ماشكەۆيچ وڭىردەگى بيزنەس احۋالعا جوعارى باعا بەرىپ, جەرگىلىكتى تاۋاروندىرۋشىلەرمەن سەرىكتەستىك ەتۋگە قىزىعۋشىلىق تانىتاتىنىن راستادى.
- ءبىز جەرگىلىكتى كاسىپكەرلىكپەن كوپتەگەن سەبەپتەر بويىنشا - پاتريوتتىق جانە ەكونوميكالىق تۇرعىدان جانە تۇراقتىلىق تۇرعىسىنان بىرگە جۇمىس ىستەۋگە ۇمتىلامىز. ساندار وزدەرى ءۇشىن سويلەيدى. ماسەلەن, بىلتىر, «قازحرومنىڭ» ءوزى وتاندىق وندىرۋشىلەردەن 19 ملرد تەڭگەگە, اقتوبە وبلىسى بويىنشا 4 ملرد تەڭگەگە تاۋار ساتىپ العان. اقتوبە وبلىسىنىڭ وسىندا شاعىن جانە ورتا بيزنەس جۇمىسى ءۇشىن قولايلى جاعداي قۇرۋعا ەڭ بەلسەندى وڭىرلەردىڭ ءبىرى ەكەنىن ايتقىم كەلەدى. سول ءۇشىن وبلىس باسشىلىعىنا ۇلكەن راحمەت, - دەدى الەكساندر ماشكەۆيچ.
قوسا كەتەيىك, ەRG «قازحروم» تۇك» اق ء(دوڭ تاۋ-كەن بايىتۋ كومبيناتى, ازف, اقسۋ فەرروقورىتپا زاۋىتى), «سوكولوۆ-سارىباي كەن بايىتۋ وندىرىستىك بىرلەستىگى», «قازاقستان ءالليۋمينيى» اق سىندى قالا ءتۇزۋشى كاسىپورىنداردىڭ باسىن بىرىكتىرەدى.
تەمىر قۇسايىن,
«ەگەمەن قازاقستان»
