جيىنعا كونستيتۋتسيالىق كەڭەس توراعاسى ق.ءمامي, «استانا» حالىقارالىق قارجى ورتالىعىنىڭ باسقارۋشىسى ق.كەلىمبەتوۆ, حالىقارالىق قارجى ورتالىعى سوتىنىڭ توراعاسى ل.ۆۋلف, قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورىنىڭ اتقارۋشى ديرەكتورىنىڭ ورىنباسارى ي.روگوۆ, قازاقستانداعى ەلشىلىكتەردىڭ, مەملەكەتتىك ورگانداردىڭ, حالىقارالىق اربيتراج ورتالىقتارى مەن سوتتارىنىڭ, جەتەكشى زاڭ جانە كونسالتينگتىك فيرمالاردىڭ, قارجى كورپوراتسيالارىنىڭ وكىلدەرى جانە ت.ب. قاتىستى.
كونفەرەنتسيانى اشقان گ.ابدىقالىقوۆا نۇرسۇلتان نازارباەۆتىڭ: «استانا بۇكىل الەمگە تەك جاڭا ەلوردا جانە ساياسي الاڭ بولىپ قانا تانىلىپ قويماي, سونىمەن بىرگە تەحنولوگيا, قارجى, زياتكەرلىك رەسۋرستار قۇيىلىپ جاتاتىن ورتالىق رەتىندە دە تانىلسا دەدىم», – دەپ ايتقان سوزىنە نازار اۋداردى.
– مەملەكەتتىك ساياساتتىڭ نەگىزگى باسىمدىعىنىڭ ءبىرى – بيزنەس جۇرگىزۋگە مەيلىنشە قولايلى جاعداي جاساۋ. وسى ماقساتپەن ەل پرەزيدەنتىنىڭ باستاماسى بويىنشا ەرتەڭ تۇساۋكەسەرى وتەتىن «استانا» حالىقارالىق قارجى ورتالىعى قۇرىلدى. بۇل ورتالىق الەمدىك قارجى ورتالىقتارىنىڭ ەڭ جاقسى تاجىريبەلەرىن الاتىن بولادى. بۇل رەتتە قۇقىقتىق رەجىمگە ايرىقشا كوڭىل بولىنەدى. بۇگىندە ونىڭ جۇمىسى انگليا مەن ۋەلس قۇقىقتارى قاعيداتتارىنا, نورمالارىنا جانە پرەتسەدەنتتەرىنە, سونداي-اق تاۋەلسىز سوت جۇيەسى بار الەم مويىنداعان قارجى ورتالىقتارىنىڭ ستاندارتتارىنا نەگىزدەلگەن, – دەدى گ.ابدىقالىقوۆا.
باسقوسۋدا قۇقىقتانۋدىڭ قازاقستاندىق جانە شەتەلدىك كورنەكتى قايراتكەرلەرى قارجى ورتالىعىنىڭ قىزمەتى سالاسىنداعى وزەكتى ماسەلەلەردى, سونىڭ ىشىندە «استانا» حالىقارالىق قارجى ورتالىعىنىڭ قولدانىستاعى قۇقىعىمەن جانە داۋلاردى شەشۋ ىسىمەن بايلانىستى ماسەلەلەردى تالقىلادى.
سوڭىندا مەملەكەتتىك حاتشى گۇلشارا ابدىقالىقوۆا كونفەرەنتسيا بارىسىندا سىندارلى سۇحبات ورناپ, تىعىز ىسكەرلىك بايلانىستار جولعا قويىلاتىندىعىنا سەنىم ءبىلدىردى.
