مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان اندرەس مانۋەل لوپەس وبرادوردى مەكسيكا قۇراما شتاتتارىنىڭ پرەزيدەنتى لاۋازىمىنا سايلانۋىمەن قۇتتىقتاپ, دوستاس مەكسيكا حالقىنا بەيبىت ءومىر مەن باق-بەرەكە تىلەدى.
ء«سىزدىڭ ساياسي جانە قوعامدىق قىزمەتتەردەگى مول تاجىريبەڭىز مەكسيكانىڭ ودان ءارى دامىپ, حالىقارالىق ارەناداعى بەدەلىنىڭ نىعايا تۇسۋىنە زور ۇلەس قوساتىنىنا سەنىمدىمىن.
ەلدەرىمىز اراسىنداعى دوستىق قارىم-قاتىناستار مەن ىنتىماقتاستىق ءسىزدىڭ بەلسەندى قولداۋىڭىزدىڭ ارقاسىندا ءوزارا تۇسىنىستىك پەن تۇراقتىلىق رۋحىندا ءارى قاراي دامي بەرەدى دەپ سانايمىن», – دەلىنگەن جەدەلحاتتا.
