شارا بارىسىندا ءسوز العان اۋدان اكىمىنىڭ ورىنباسارى ە. مەڭلىباەۆ جينالعان اۋدان تۇرعىندارىن «ۇلتتىق دومبىرا» كۇنىنە وراي مەرەكەلىك جىلى لەبىزىن ارناپ, جىراۋلىق ءداستۇردىڭ التىن ءجىبىن جالعاعان ونەر سالاسى مايتالماندارى مەن جاستارعا شىعارماشىلىق تابىس تىلەپ ىستىق ىقىلاسىن جەتكىزدى.
سونىمەن بىرگە شارانى جىراۋ س. جاقسىعۇلوۆ جۇرگىزىپ, بابادان قالعان ۇلى ونەردى كوزدىڭ قاراشىعىنداي ساقتاپ كەلە جاتىرعان ونەرپازدار شەرۋىمەن تانىستىردى. شەرۋدى جىراۋ, «مادەنيەت سالاسىنىڭ ۇزدىگى» بيداس رۇستەمبەكوۆ باستادى. تۇركى حالىقتارىنىڭ كەمەڭگەر ويشىلى, اتاقتى ابىزى – قورقىت بابامىزدان باستاۋ الاتىن جىراۋلىق داستۇر جۇز جىراۋدى جۇزىكتەگەن كيەلى مەكەنگە اينالدى. 2006 جىلى ك.رۇستەمبەكوۆ اتىنداعى «جىراۋلار ءۇيى اشىلىپ حالىققا مۇلتىكسىز قىزمەت جاساۋدا. جىراۋلار ۇيىندە «بازار جىراۋ» , «جيەنباي جىراۋ», «تاسبەرگەن جىراۋ», «رۇستەمبەك جىراۋ», «كوشەنەي جىراۋ» جانە «قوبىز» ۇيىرمەلەرى جۇمىس جاسايدى. ز.كارىباەۆا, د.توقسانباەۆ, ب.بەدەباەۆ, ب.اققاليەۆ, ءا.ەشباەۆا, ر.تۇرجانوۆالار حالىقارالىق بايقاۋلاردىڭ جەڭىمپازى توعجان باقىتوۆا, م.الدامجاروۆا جانە ەلباسىمىزدان دومبىرا سىيعا العان جاس جىرشى اراي وڭعارقىزى دا جىراۋلار ساپىندا.
شەرۋدى كەلەسى كيەلى ونەرلى ۇجىم ت.سالقىنباي ۇلى اتىنداعى اۋەز مەكتەبى جالعاستىرادى. اۋەز مەكتەبىنىڭ جانىنان ت. سالقىنباي ۇلى اتىنداعى ۇلت-اسپاپتار وركەسترى دە اۋدانىمىزدىڭ ونەرى مەن مادەنيەتىنىڭ دامۋىنا زور ۇلەسىن قوسىپ كەلەدى.
شاراعا اۋداندىق اۋەز مەكتەبىنىڭ ۇجىمى مەن شاكىرتتەرى ت. سالقىنباي ۇلى اتىنداعى ۇلت اسپاپتار وركەسترىندە ۇلتتىق دومبىرامىزبەن اۋەلەتە كۇيدەن شاشۋ شاشتى. سونىمەن بىرگە اۋدانىمىزداعى رەسپۋبليكاعا بەلگىلى حالىقارالىق دارەجەدەگى سىيلىقتىڭ يەگەرلەرى ب. رۇستەمبەكوۆ, ز. كارىباەۆ ت.ب جىراۋلارىمىز اۋدان حالقىن جىر جولدارىمەن سۋسىنداتىپ مەرەكەلىك كوڭىل كۇي سىيلادى. سونداي-اق جاس جىرشىلارىمىز اراي وڭعار, اعايىندى اققاليەۆتەر جىرلارى مەن كۇمبىرلەتە تارتقان كۇيلەرى جينالعان جۇرشىلىقتى سەرپىلتىپ تاستادى. قازاقتىڭ قارا دومبىراسى - بۇل حالىقتىڭ قازىناسى. جوعارى دەڭگەيدە ۇيىمداستىرىلعان شارا اۋدان ونەرپازدارىنىڭ كونتسەرتتىك باعدارالاماسىمەن قورىتىندىلاندى.
