وسى ىسپەتتى اۋىرتپالىق جۇگىن قورىقپاي ارقالاعان قوستاناي وبلىسىنداعى رۋدنىي قالالىق اۋرۋحاناسىنىڭ كارديولوگيا بولىمشەسىنىڭ دارىگەرى زينات كەنىشبەكقىزى 23 جىلدان بەرى ناۋقاستار جانىنا اراشا بولىپ كەلە جاتقان تاجىريبەلى مامان.
زينات كەنىشبەكقىزىنىڭ ايتۋىنشا, ەڭ الدىمەن اق جەلەڭدى جاندار اقجۇرەك بولۋى قاجەت.
«دارىگەردىڭ جۇمىسى ناۋقاستىڭ جانىن قيناعان ازاپتى جەڭۋدەن تۇرادى. ياعني الدىندا قانداي قيىن ءىس كۇتىپ تۇرسا دا, بارىنە بىردەي توتەپ بەرۋگە دايىن بولۋى دارىگەردىڭ قايسارلىعى مەن كۇرەسكەرلىگىنىڭ ايناسى», دەيدى كارديولوگ-دارىگەر.
البەتتە قانشاما ادامنىڭ جانىن ساقتاپ قالعان مەيىرىمدى جان بارلىق قۇرمەتكە يە. باس اۋىرىپ, بالتىر سىزداپ كەلگەن مىڭداعان ادامداردىڭ كوڭىلىنە دەمەۋ, جانىنا سۇيەنىش بولا بىلگەن دارىگەردىڭ ءبىر اۋىز جىلى ءسوزى اۋىرىپ جاتقان ادامعا دارىدەن دە ارتىق اسەر ەتەدى.
– جۇمىس بارىسىندا ءتۇرلى جاعدايمەن بەتپە-بەت كەلۋگە تۋرا كەلەدى. سول سەبەپتى سابىرلى شەشىم قابىلداي ءبىلۋدىڭ ماڭىزى زور. ەڭ قيىن ءارى جۇرەگىمە تيگەنى ەكى بىردەي جاننىڭ ءومىرىن اراشالاپ قالۋعا جانتالاسقان وقيعا دەر ەدىم. جۇرەك اقاۋى بار جۇكتى ايەلدىڭ ءبىزدىڭ اۋرۋحاناعا كەلگەنى ءالى ەسىمدە. دارىگەرلەردىڭ ايتقان سوزىنە قۇلاق اسپاي ءوز بەتىنشە ارەكەت جاساعان جاس انانىڭ ءومىرى قىل ۇستىندە تۇرعانىن ول بىلمەگەن ەدى. جۇرەگىنىڭ ءالسىز ەكەندىگىنە قاراماستان قۇرساعىنداعى نارەستەگە جاڭا ءومىر سىيلاۋ جانكەشتىلىك قوي. الايدا مۇنىڭ ءبىر عانا جولى بولدى. نە انانىڭ ءومىرىن اراشالاۋ, نە نارەستەگە جاڭا ءومىر سىيلاۋ. بۇل – وتە قيىن شەشىم. مۇنداي مەديتسينالىق وپەراتسيانى جۇزەگە اسىرۋعا ءبىزدىڭ اۋرۋحانا قاۋقارسىز ەدى. سول سەبەپتى دە انانى تەز ارادا وبلىستىق اۋرۋحاناعا جەتكىزۋ كەرەك بولدى. جول ۇستىندە جۇكتى ايەلدىڭ قان قىسىمى كەنەتتەن تومەندەپ كەتىپ, جۇرەگى ءبىر مەزەتتە توقتاپ قالادى. بار جىگەرىمدى جيناپ, سول ارادا العاشقى كومەك كورسەتۋگە اسىقتىم. دەفيبريلياتوردىڭ كومەگىمەن سونگەن جۇرەكتى قايتا ومىرگە اكەلدىم. بىراق بۇل ۋاقىتشا عانا بولدى. اۋرۋحاناعا جەتكەنشە انانىڭ ءومىرىن اراشالاپ قالۋ مۇمكىن ەمەس ەدى. سول سەبەپتى قۇرساقتاعى نارەستەگە جاڭا ءومىر سىيلاعان دارىگەردىڭ قانداي اۋىرتپالىقپەن بەتپە-بەت كەلگەنىنە كوزىمىز جەتىپ وتىر, – دەيدى زينات كەنىشبەكقىزى.
لاۋرا ەشنازاروۆا,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ
ءى كۋرس ستۋدەنتى
