كلۋب باسشىلىعىنىڭ حابارلاۋىنشا, 51 جاستاعى لوپەتەگي «رەال» كومانداسىمەن ءۇش جىلدىق كەلىسىمشارتقا قول قويعان. حۋلەن قۇرامامەن اراداعى كەلىسىمشارتتى مەرزىمىنەن بۇرىن ۇزگەنى ءۇشىن مادريد ۇجىمى يسپانيا قۇراماسىنا 2 ملن ەۋرو تولەيدى. لوپەتەگي يسپانيا قۇراماسىن 2016 جىلدان بەرى جاتتىقتىرىپ كەلەدى. ول بۇگىنگە دەيىن قۇرامامەن 19 كەزدەسۋ وتكىزىپ, بىردە-بىرىندە جەڭىلمەگەن (13 جەڭىس جانە 6 تەڭ ويىن).
ايتا كەتەيىك, لوپەتەگي 1988-1991 جىلدار ارالىعىندا «رەال» كلۋبىنىڭ قاقپاشىسى رەتىندە ءبىر-اق رەت الاڭعا شىققان.
ۇزىلىستەن كەيىنگى العاشقى جەڭىس
اسا اۋىر سالماقتاعى الەمنىڭ ەكس-چەمپيونى بريتانيالىق بوكسشى تايسون فيۋري 2,5 جىلدىق ۇزىلىستەن سوڭ ۇلكەن رينگكە قايتا ورالىپ, ءبىرىنشى جەڭىسىنە قول جەتكىزدى.
بريتانيانىڭ مانچەستەر قالاسىندا وتكەن 10 راۋندقا جوسپارلانعان رەيتينگتىك جەكپە-جەكتە البانيالىق سەفەر سەفەريمەن كەزدەسىپ, 4-راۋندتا تەحنيكالىق نوكاۋتپەن جەڭدى. فيۋري سوڭعى كەزدەسۋىن 2015 جىلى ۋكراينالىق ۆلاديمير كليچكومەن وتكىزىپ, IBF, WBA جانە WBO چەمپيوندىق بەلدىكتەرىن جەڭىپ العان-دى.بۇدان سوڭ ول 2016 جىلى دوپينگ داۋىنا ىلىگىپ, ەكى جىلعا بوكستان شەتتەتىلدى. جازا مەرزىمى 2018 جىلدىڭ ءساۋىر ايىندا اياقتالىپ, ول ۇلكەن رينگكە قايتا ورالدى.
فەتتەل – كانادا گران-ءپريىنىڭ جەڭىمپازى
كانادا گران-پريىندە مارە سىزىعىن ەكىنشى بولىپ «مەرسەدەس» كومانداسىنىڭ اۆتوپيلوتى ۆالتتەري بوتتاس, ءۇشىنشى «رەد بۋلل» وكىلى ماكس فەرستاپپەن كەستى. ال قازىرگى الەم چەمپيونى ليۋيس حەميلتون بۇل جولى 5-ورىنمەن شەكتەلدى.
فەتتەل بۇل جەڭىسىنەن كەيىن جالپى ەسەپتە حەميلتوننان ءبىر ۇپاي العا وزىپ, 121 ۇپايمەن كوش باستادى. ال حەميلتون 120 ۇپايمەن ەكىنشى ورىنعا ءتۇسىپ قالدى. ۆالتتەري بوتتاس 86 ۇپايمەن ۇزدىك ۇشتىكتى قورىتىندىلاپ تۇر. گران-ءپريدىڭ كەلەسى كەزەڭى 22-24 ماۋسىم ارالىعىندا فرانتسيادا وتەدى.
دايىنداعان
ىرىستى قادىربەك,
ەۇۋ ستۋدەنتى
