كورمەنىڭ اشىلۋ سالتاناتىنا ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى راحىمجانوۆ ءامىرحان مۇراتبەك ۇلى كەلىپ قاتىستى. «كورەي حالقىنىڭ كەسكىندەمە كورمەسىنىڭ اشىلۋى ەلباسى كىتاپحاناسى ءۇشىن ايتۋلى وقيعالاردىڭ ءبىرى بولىپ تابىلادى. ويتكەنى بۇگىنگى شارا 26-شى جىلدىق تاريحى بار قازاقستان مەن كورەيا رەسپۋبليكاسى قارىم-قاتىناستارى وتە جوعارى دەڭگەيدە ەكەنىن تاعى ءبىر رەت دالەلدەيدى. سونىمەن قاتار, قازاقستان تاريحي دەپارتاتسيا كەزىندە قونىس اۋدارعان كورەي تەكتى ازاماتتار قوعامىنىڭ اجىراماس بولىگى رەتىندە ەلىمىزدىڭ دامۋىنا وزىندىك ۇلەستەرىن قوسۋدا. وعان قوسا, سوناۋ قيىن جىلداردا تاعدىر تالكەگىنە تاپ بولعان كەزىندە قول ۇشىن بەرىپ, قوڭاقجايلىق تانىتقان قازاق ۇلتىنا العىستارىن بىلدىرۋدە» دەپ ءا.راحىمجانوۆ «مينحۆا» سۋرەت شەبەرلەرىنە «گارمونيا» اتتى قول سۋرەتتى سىيلاپ, سالتاناتتى شارانى باستادى. شارانىڭ اشىلۋ سالتاناتىنىڭ تۇساۋىن كەسكەن كورەي حالقىنىڭ ەڭ ۇزدىك سۋرەتشىلەرىنىڭ ءبىرى اتانعان يۋ سۋان-دوك, مي بونگ-دجي جانە و سون-ا كەستى.
ءىس-شارا كىتاپحانانىڭ «مادەنيەت ارقىلى ۇنقاتىسۋ» حالىقارالىق كورمە جوباسى اياسىندا قازاقستان رەسپۋبليكاسىنىڭ كورەي رەسپۋبليكاسى ەلشىلىگىنىڭ كورەي مادەنيەت ورتالىعى مەن «مينحۆا» كورەي حالىق كەسكىندەمەسى مۋزەيىنىڭ قولداۋىمەن ۇيىمداستىرىلدى.
كورەي وركەنيەتىنىڭ كەز كەلگەن سالاسى ەڭ تانىمال الەم مادەنيەتتەرىنىڭ بىرىنە جاتادى. «مينحۆا» كەسكىندەمەسى دە بۇل ساناتتا. ونىڭ سەبەبى كورەي حالقىنىڭ وزىندىك تاريحى مەن سالت-داستۇرىنە نەگىزدەلىپ وتىر. «مينحۆا» ءسوزى كورەي تىلىندە «حالىق كەسكىندەمەسى» دەگەن ۇعىمدى بىلدىرەدى. ءداستۇرلى كورەي ونەرىنىڭ بۇل باعىتى XVI-XVII عاسىرلارداعى الەۋمەتتىك – ساياسي تاريحپەن تىعىز بايلانىستى. ول چوسون الۋەتى بيلىگىنىڭ سوڭعى كەزەڭىندە, كورەي قوعامى ۇلكەن وزگەرىستەرگە ۇششىراعان كەزدە پايدا بولدى. ناتيجەسىندە كەسكىندەمە بۇيىمدارىنىڭ پاتشا سارايىنا ءتان اشەكەي رەتىندە سانالۋى توقتادى. الەۋمەتتىك توپتاردىڭ جىكتەلۋىمەن ونەر تۋىندىلارىنا دەگەن سۇرانىس تا ءوستى.
«مينحۆا» كورەي حالىق كەسكىندەمەسىنىڭ مۋزەيى - قازىرگى كورەي ونەر شىعارماشىلىعىنىڭ اتالمىش باعىتىن ساقتاۋ جانە دارىپتەۋ ورتالىعى. كورمەگە اقش, فرانتسيا, جاپونيا, ءۇندىستان, موڭعوليا, كورەيا سۋرەتشىلەرىنىڭ اتاقتى تۋىندىلارى قويىلعان. يۋ سۋان-دوك, مي بونگ-دجي جانە و سون-ا «مينحۆا» شەبەرلەرى رەتىندە مويىندالعان. ءار اۆتور ءوز ەڭبەگىن «مەرەكە», «جاڭعىرىق», «تابيعات مەزگىلى» تاقىرىپتارىندا ۇسىندى. سۋرەتشىلەر وزدەرىنىڭ ءار ءبىر سۋرەتىندە كورەي حالقىنىڭ ۇلتتىق نىشانى جىرتقىش جولبارىس پەن قادىر تۇتاتىن ساۋىسقاندى بەينەلەگەن. بۇل جۇمىستار «مينحۆا» كەسكىندەمەسىنىڭ جاڭعىرۋى», «مينحۆا تۇسىندىرمە كەسكىندەمەسى», «قولدانبالى ونەردەگى «مينحۆا» كەسكىندەمسىنىڭ ءۇش باعىتى بويىنشا ورىندالدى.
سونداي-اق كورمەدە ۇسىنىلعان 57 جۇمىستىڭ قاتارىنا كارتينالار, ءمۇسىن كومپوزيتسيالارى, ىدىستار مەن جيھازدار سىندى تۇرمىستىق زاتتار بار.
ميراجان ماحان,
ل.ن.گۋميلەۆ اتىنداعى ەۇۋ 1-كۋرس ستۋدەنتى
