ەرتەڭ 28 جاسقا تولعالى وتىرعان ۇيەڭكى جاپىراقتار ەلىنىڭ وكىلى كەزىندە كانادانىڭ جاستار قۇراماسىنىڭ كاپيتانى بولعان. سول كوماندا ساپىندا الەم بىرىنشىلىگىنىڭ التىن جانە كۇمىس مەدالىن يەلەندى. سونداي-اق, ول ۇلتتىق حوككەي ليگاسىنداعى (ۇحل) «اتلانتۋ ترەشەرز» پەن «ۆيننيپەگ دجەتستە» ويناپ, 49 رەت مۇز ايدىنىنا شىقتى. الايدا ۇحل-دا كرومە ايشىقتى ونەرىمەن كوزە تۇسە العان جوق.
سوڭعى ءۇش ماۋسىمدا امەريكا حوككەي ليگاسىندا (احل) ونەر كورسەتەتىن «مانيتوبا مۋس» كلۋبىنىڭ نامىسىن قورعاپ, ءارى كاپيتاندىق مىندەتتى اتقاردى. وتكەن تۇراقتى بىرىنشىلىكتە 69 كەزدەسۋ وتكىزگەن ول 43 (22 گول+21 پاس) ۇپايعا يەلىك ەتتى. ال پلەي-وفف سايىسىندا ءبىر شايبا سوعىپ, ءبىر رەت ناتيجەلى پاس بەردى. ەندى بويى 188 سانتيمەتر, سالماعى 98 كەلى تارتاتىن پاتريس كورمە «بارىستىڭ» قۇرامىندا ونەر كورسەتەدى.
عالىم سۇلەيمەن,
«ەگەمەن قازاقستان»
