قازاقستان • 13 ماۋسىم، 2018

دوستىق قاتىناستاردى نىعايتۋ ماڭىزدى - ەلۆيرا ايدارحانوۆا

265 رەتكورسەتىلدى

قازاقستان پرەزيدەنتى نۇرسۇلتان نازارباەۆتىڭ قىتاي حالىق رەسپۋب­ليكاسىنا مەم­لەكەتتىك ساپارى وزەكتى ماسەلەلەردى شەشۋ تۇرعىسىنان العاندا ەكى تاراپ ءۇشىن دە ماڭىزدى بولىپ وتىر. ەكى ەل اراسىنداعى ديالوگ­تىڭ ۇتىم­دى پەرسپەكتيۆالارى­نا كەلەر بولساق، بىرىنشىدەن، مەم­لە­كەت­­تەر باسشىلارى­نىڭ بىرىڭ­عاي مال­ىم­دەمەسىندە اتالىپ وتىلگەن­دەي، الەمدىك اشىق ەكونوميكا سايا­ساتىنىڭ قالىپتاسۋىنا جول اشىلۋى مۇمكىن.

ونىڭ نەگىزىندە تاراپ­تاردىڭ اراسىنداعى ءوزارا ءتيىمدى ساۋدا بايلانىستارىن ودان ءارى دامىتىپ، ەكونوميكالىق جاھاندان­دىرۋ مەن ساۋدا قاتىناستارىن ليبەرالداندىرۋ، تاۋار اينالىمى جۇيەسىن ءارتاراپتاندىرۋ ءتارىزدى ماق­ساتتاردى كوزدەگەن مىندەتتەر جۇزەگە اسىرىلماق. 

ەلباسى مالىمدەپ وتكەندەي، ءبىزدىڭ مەملەكەتىمىز تەك شيكىزاتتىق ەمەس رەسۋرستاردان  تۇراتىن جاڭا بالامالى ەكونوميكا قۇرۋعا دايىن. تۇسىنە بىلگەنگە، بۇل – وتە تىڭ ماسەلە. سەبەبى بۇعان دەيىن ەكى ەل اراسىنداعى ستراتەگيالىق باي­لانىس­تاردىڭ نەگىزى شيكىزاتتىق ونىمدەرگە تاۋەلدى بولىپ كەلگەن بولاتىن.  

سونىمەن قاتار كەزدەسۋ ناتيجە­سىن­دە، جۇكتەردى حالىقارالىق تەمىر جول باعىتىمەن تاسىمالداۋ بويىنشا «قىتاي – قازاقستان – ورتالىق ازيا»، «قىتاي – قازاقستان – پارسى شىعاناعى ەلدەرى» ءتارىزدى باعىتتاردىڭ نازارعا الىنۋى، بۇ­لار­دىڭ بارلىعى اينالىپ كەل­گەندە، كەدەندىك باقىلاۋلار ءتارتىبىنىڭ جەڭىلدەۋىنە، ساۋدا تاسىمالدارى ماسەلە­لەرىندەگى قولايلىلىقتارعا  قول جەتكىزۋگە مۇمكىندىك بەرەدى. 

بۇدان بولەك، ەلباسىنىڭ بۇل ساپارى بارىسىندا ەكى ەل اراسىنداعى بىرنەشە جىلدار بويى قالىپتاسقان سەنىم مەن دوستىق قاتىناستارىنىڭ نىعايۋىنا تىكەلەي ىقپال ەتەتىن رەسمي كۇشى بار 9 قۇجاتقا قول قويىلدى. ولاردىڭ ىشىندەگى يادرولىق جانە يادرو­اكتيۆتى ماتەريالداردى نەمەسە ولاردىڭ قالدىقتارىن تاسى­مال­داۋ­عا بوگەت قويۋ ءتارىزدى قاۋىپسىزدىك ما­سەلەلەرىمەن قاتار، قازاق-قىتاي ىن­تى­­ماق­تاستىعى سالاسىندا وندى­رىس­تىك قۋات­تار مەن ينۆەستيتسيالاردى بىر­لەسە وڭدەۋ بويىنشا دامۋ مە­موران­دۋمدارى ءتارىزدى قۇجاتتار بار. 

ءبىزدىڭ مەملەكەتىمىز قازاقستان مەن قىتاي اراسىنداعى «بەلدەۋ مەن جول» جوباسى بويىنشا ىن­تىماقتاستىق ناتيجەلەرىن وتە جوعارى باعالاپ وتىر. اتالعان جوبا قازاقستاننىڭ جاڭا ەكو­نو­ميكالىق ساياساتى تۇرعىسىنان جانە «جىبەك جولى ەكونوميكالىق بەل­دەۋى» جوباسى اياسىنان العاندا دا ەكى ەل ارا­سىنداعى ساياسي، ەكونوميكالىق، كەدەندىك ماسەلەلەردى جەڭىلدەتىپ، ءوزارا ىنتى­ماق­تاستىقتى ارتتىرا تۇسپەك.

ەلۆيرا ايدارحانوۆا،

قر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ساراپشىسى

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار