قازىرگى تاڭدا شۆەيتساريانىڭ تاۋلى شيپاجايلارىندا تۋبەركۋلەز, انەميا مەن راحيت اۋرۋىنا شالدىققانداردى ەشكى سۇتىمەن ەمدەۋدە. اقش-تا ەشكى ءسۇتىن جاس نارەستەلەرگە بەرۋ ءۇشىن ارنايى دايىندايدى. ال بىزدە شە؟ «ەسى كەتكەن ەشكى جينار, ەشكى جيناپ, ەسىن جيار» دەيتىن قازاق بۇگىندە ەشكى جانۋارىنىڭ قادىرىنە جەتە الماي وتىرعان سەكىلدى. دەسەك تە بىرتىندەپ بولسىن ەشكىنىڭ ءسۇتىن وڭدەپ, ءوندىرۋدى قولعا الىپ جاتقان ازاماتتار دا بار. ماسەلەن, وسكەمەننىڭ ىرگەسىندەگى گلۋبوكوە اۋدانىنداعى «اعايىن جانە ك» شارۋا قوجالىعى ەشكى سۇتىنەن جاسالعان ىرىمشىكتى ساۋداعا شىعارۋدى جوسپارلاپ وتىر. ء«بىز نارىقتى زەرتتەپ, مونيتورينگ جۇرگىزۋ ارقىلى ەشكى ءسۇتىنىڭ ىرىمشىگى سۇرانىسقا يە ەكەنىن انىقتادىق. ارينە ونىڭ باعاسى قىمبات, بىراق دەنساۋلىققا وتە پايدالى. حالىق قازىر ەشكى ۇستامايدى. سيىر ءسۇتى 120 تەڭگە بولسا, ەشكى ءسۇتىنىڭ ءبىر ءليترى 500 تەڭگە تۇرادى. ەشكى سۇتىنەن جاسالعان ىرىمشىكتىڭ ءبىر كەلىسى شامامەن 3,5-4 مىڭ تەڭگە بولادى», دەيدى شارۋا قوجالىعىنىڭ باسشىسى ارحات تۇركىمباەۆ.
ىسكەر ازاماتتىڭ «ەشكى ءسۇتىن قايتا وڭدەۋ جانە ىرىمشىك ءوندىرۋدى ۇيىمداستىرۋ» اتتى جوباسى «بيزنەستىڭ جول كارتاسى-2020» باعدارلاماسى بويىنشا گرانت الۋعا ۇسىنىلىپ ماقۇلدانعان 35 بيزنەس-يدەيا مەن يننوۆاتسيالىق جوبالاردىڭ قاتارىنا ەنىپتى. كاسىپكەر ەندى مەملەكەتتەن بەرىلەتىن 3 ميلليون تەڭگە كولەمىندەگى قاراجاتقا ءسۇتتى ەشكىلەر مەن ەشكى ساۋاتىن قۇرال-جابدىق ساتىپ الۋدى جوسپارلاپ وتىر.
ازامات قاسىم,
«ەگەمەن قازاقستان»
شىعىس قازاقستان وبلىسى,
گلۋبوكوە اۋدانى
