مەملەكەت باسشىسىنىڭ وكىمىمەن ساۋلە مۇحانبەديانقىزى ايتپاەۆا قازاقستان رەسپۋبليكاسىنداعى بالا قۇقىقتارى جونىندەگى ۋاكىل قىزمەتىنە تاعايىندالدى. بۇل تۋرالى akorda.kz حابارلادى.
ساۋلە ايتپاەۆا 1960 جىلدىڭ 22 مامىرىندا تورعاي وبلىسى جاقسى كەنتىندە دۇنيەگە كەلگەن.
1977 جىلى تورعاي وبلىسى جاقسى اۋداندىق پروكۋراتۋراسى كەڭسەسىنىڭ مەڭگەرۋشىسى;
1978 جىلى تورعاي وبلىسى جاقسى اۋداندىق كومسومول كوميتەتىنىڭ ءماشينيستى;
1979-1983 جىلدارى ر.ا.رۋدەنكو اتىنداعى سۆەردلوۆ زاڭتانۋ ۋنيۆەرسيتەتىنىڭ «قۇقىقتانۋ» ماماندىعى بويىنشا وقۋعا ءتۇستى;
1983 جىلى تسەلينوگراد وبلىستىق پروكۋراتۋراسى لەنين اۋداندىق پروكۋراتۋراسىنىڭ تالىمگەرى;
1984 جىلى تسەلينوگراد قالاسى لەنين اۋداندىق پروكۋراتۋراسىنىڭ تەرگەۋشىسى;
1985 جىلى اقمولا وبلىسى پروكۋراتۋراسىنىڭ ىشكى ىستەر ورگاندارىنداعى تەرگەۋ مەن انىقتاۋدى قاداعالاۋ جونىندەگى ءبولىمىنىڭ پروكۋرورى;
1988 جىلى اقمولا وبلىسى پروكۋراتۋراسى كادرلار جونىندەگى پروكۋرورىنىڭ كومەكشىسى;
1992 جىلى اقمولا وبلىسى پروكۋراتۋراسىنىڭ ۇيىمداستىرۋ-تالداۋ ءبولىمىنىڭ پروكۋرورى;
1996 جىلى تسەلينا كولىك پروكۋراتۋراسىنىڭ ۇيىمداستىرۋ-ينسپەكتورلىق جۇمىس جونىندەگى اعا پروكۋرورى;
1997 جىلى قازاقستان رەسپۋبليكاسى باس پروكۋراتۋراسىنىڭ جانىنداعى قۇقىقتىق ستاتيستيكا جانە اقپارات ورتالىعىنىڭ (قسجاو) العاشقى ەسەپكە الۋ قۇجاتتارىن, ەسەپتىلىك جانە ادىستەمە نىساندارىن ازىرلەۋ جانە ەنگىزۋ ءبولىمىنىڭ باسشىسى;
1998 جىلى - قازاقستان رەسپۋبليكاسى باس پروكۋراتۋراسىنىڭ جانىنداعى قسجاو (د) باستىعىنىڭ ورىنباسارى - استانا قالاسىنداعى ستاتيستيكا باسقارماسىنىڭ باسشىسى;
1999 جىلى قسجاو (د) باستىعىنىڭ ورىنباسارى قازاقستان رەسپۋبليكاسى باس پروكۋراتۋراسىنىڭ جانىنداعى قسجاو (د) ستاتيستيكانى قالىپتاستىرۋ باسقارماسىنىڭ باستشىسى;
2001 جىلى قازاقستان رەسپۋبليكاسى باس پروكۋراتۋراسىنىڭ جانىنداعى قسجاو (د) باستىعىنىڭ ورىنباسارى;
2003 جىلى قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى توراعاسىنىڭ ورىنباسارى;
2005 جىلدىڭ جەلتوقسانىنان قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى توراعاسىنىڭ ءبىرىنشى ورىنباسارى;
مەملەكەت باسشىسىنىڭ 2012 جىلدىڭ ساۋىرىندەگى وكىمىمەن قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ توراعاسى بولىپ تاعايىندالدى.
«قازاقستان رەسپۋبليكاسى پروكۋراتۋراسىنىڭ قۇرمەتتى قىزمەتكەرى» (2001) اتاعى بار, «ەرەن ەڭبەگى ءۇشىن» (2005), «استانانىڭ 10 جىلدىعى» (2008), «قازاقستان رەسپۋبليكاسىنىڭ تاۋەلسىزدىگىنە 20 جىل» (2011), «قازاقستان رەسپۋبليكاسىنىڭ پروكۋراتۋراسىنا 20 جىل» (2011) مەدالدارىمەن ماراپاتتالعان.
