د.نازارباەۆا فرانتسۋز سەناتىنداعى «فرانتسيا-ورتالىق ازيا» دوستىق توبى قىزمەتىنىڭ بەلسەندى جۇرۋىنە نازار اۋداردى جانە ەقىۇ پارلامەنتتىك اسسامبلەياسى, ەۋروپا كەڭەسى جانە ناتو اياسىندا فرانتسۋز ارىپتەستەرىمەن كوپتاراپتى بايلانىستاردى قالىپتاستىرۋ قاجەتتىگىن اتاپ ءوتتى.
پ.كابارە قازاقستاننىڭ قارقىندى دامۋى مەن ەكونوميكانى تسيفرلاندىرۋ جونىندەگى تاڭدالعان باعىتتىڭ دۇرىستىعىن اتاپ ءوتتى جانە ءبىزدىڭ ەلىمىزدىڭ الەمدەگى ەڭ دامىعان 30 ەلىنىڭ قاتارىنا كىرۋ جونىندەگى بيىك ماقساتقا جەتەتىنىنە سەنىم ءبىلدىردى.
سەنات كوميتەتىنىڭ توراعاسى اسا ماڭىزدى بىرقاتار ەۋروپالىق كونۆەنتسيالار قاتارىنا قوسىلۋ تۋرالى قازاقستاننىڭ ءوتىنىشىن ىلگەرىلەتۋ جونىندە ۇلتتىق اسسامبلەيانىڭ دەپۋتاتتارىنا جاردەمدەسۋدى ءوتىندى. مۇندا ەۋروپا كەڭەسىندە 2009 جىلدان بەرى قارالىپ جاتقان سوت ءىسى جونىندەگى كونۆەنتسيالار تۋرالى ءسوز بولىپ وتىر. ء«بىز قازاقستاننىڭ قۇقىقتىق سالاسى ەكونوميكالىق ىنتىماقتاستىق جانە دامۋ ۇيىمىنىڭ ستاندارتتارىنا سايكەس بولۋىن قالايمىز», دەدى د.نازارباەۆا.
تاراپتار سونداي-اق ساۋدا-ەكونوميكالىق, ونىڭ ىشىندە اەروعارىش ونەركاسىبىندەگى ءوزارا ءتيىمدى ارىپتەستىك, سونداي-اق تىكۇشاقتار قۇراستىرۋ جانە ولارعا تەحنيكالىق قىزمەت كورسەتۋ جونىندەگى ىنتىماقتاستىقتى نىعايتۋدىڭ كەلەشەگىن تالقىلادى.
د.نازارباەۆا قازاقستاننىڭ تۋريستىك الەۋەتى مەن ازيالىق «Silk viza» شەنگەن ۆيزاسىن ەنگىزۋ بارىسىندا فرانتسيا ازاماتتارى ءۇشىن اشىلاتىن مۇمكىندىكتەر تۋرالى اڭگىمەلەدى. فرانتسۋز تاراپى ەكوتۋريزمدى دامىتۋ تاجىريبەسىمەن بولىسۋگە دايىن ەكەنىن ءبىلدىردى.
