قۇجات سايلاۋ تەتىكتەرىن, سونىڭ ىشىندە جاڭا ينستيتۋتتار ەنگىزۋ ارقىلى جەتىلدىرۋگە باعىتتالعان. «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا مىناداي وزگەرىستەر ەنگىزىلەدى:
اۋىلدىق دەڭگەيدەگى اكىمدەردى تىكەلەي سايلاۋ ەنگىزىلەدى (اۋداندىق ماڭىزى بار قالا, اۋىل, كەنت, اۋىلدىق وكرۋگ اكىمى);
پارتيالىق تىزىمدەر بويىنشا سايلاناتىن ءماسليحاتتاردىڭ دەپۋتاتتارىن سايلاۋدىڭ پروپورتسيونالدى جۇيەسى بەلگىلەنۋدە;
وكرۋگتىك سايلاۋ كوميسسيالارى پىسىقتالادى;
اۋىلدىق دەڭگەيدەگى اكىمدەر تىكەلەي سايلاناتىنىنا بايلانىستى اۋماقتىق سايلاۋ كوميسسيالارىنا سايلاۋدى ۇيىمداستىرۋ مەن وتكىزۋدى قامتاماسىز ەتۋ, سونىڭ ىشىندە اۋىل اكىمدەرىنىڭ وكىلەتتىگى بەرىلدى; اۋماقتىق سايلاۋ كوميسسيالارىنىڭ ەكى مۇشەسى كəسىبي نەگىزدە وكىلەتتىگىن جۇزەگە اسىرادى;
سايلاۋ پروتسەسىنە تسيفرلاندىرۋ ەلەمەنتتەرى, ونىڭ ىشىندە سايلاۋشىلار ءتىزىمىن ساندىق جۇيەگە كوشىرۋ ەنگىزىلەدى;
ەلەكتروندىق بۇقارالىق اقپارات قۇرالدارىندا سايلاۋالدى ۇگىت-ناسيحات جۇرگىزۋ رەتتەلەدى; حالىقارالىق باقىلاۋشىلاردى اككرەديتتەۋدى قايتارىپ الۋ ءتارتىبى ناقتىلانۋدا.
سونداي-اق, زاڭ جوباسىنا مەملەكەتتىك ەلتاڭباداعى «قازاقستان» دەگەن ءسوزدى لاتىن ارىپتەرىمەن جازۋ قاراستىرىلاتىن «قازاقستان رەسپۋبليكاسىنىڭ مەملەكەتتىك رامىزدەرى تۋرالى» كونستيتۋتسيالىق زاڭىنا تۇزەتۋلەر ەنگىزىلىپ جاتىر.
سونىمەن قاتار, وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سايلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا قارالدى. زاڭ جوباسى «قازاقستان رەسپۋبليكاسىنىڭ كەيبiر كونستيتۋتسيالىق زاڭدارىنا وزگەرiستەر مەن تولىقتىرۋلار ەنگiزۋ تۋرالى» كونستيتۋتسيالىق زاڭ جوباسىنا سايكەس, زاڭنامالىق اكتiلەردi ەنگiزۋ ماقساتىندا جاسالعان.
وزگەرىستەر بەس زاڭنامالىق اكتىگە ەنگىزىلىپ جاتىر: بيۋدجەت كودەكسى, اكىمشىلىك قۇقىق بۇزۋشىلىق تۋرالى كودەكس, «قازاقستان رەسپۋبليكاسىنداعى جەرگىلىكتى ءوزىن-ءوزى باسقارۋ جانە ءوزىن-ءوزى باسقارۋ تۋرالى», «ساياسي پارتيالار تۋرالى» جانە «قازاقستان رەسپۋبليكاسى مەملەكەتتىك قىزمەت تۋرالى» زاڭدارعا وزگەرىستەر ەنگىزىلۋدە. زاڭ جوباسىنا مىناداي نەگىزگى وزگەرىستەر مەن تولىقتىرۋلار ەنگىزىلەدى: جەرگىلىكتى بيۋدجەت قاراجاتى ەسەبىنەن سايلاۋشىلار مەن سايلاۋ كوميسسيالارىنىڭ مۇشەلەرىن وقىتۋ كىرىكتىرىلۋدە; سايلاۋعا قاتىساتىن ۇمىتكەرلەردىڭ, ساياسي پارتيالاردىڭ ۇگىت-ناسيحات ماتەريالدارىن جاريالاۋ نەمەسە ەفيرگە شىعارۋ ءتارتىبىن بۇزعانى ءۇشىن, سونداي-اق سايلاۋعا بايلانىستى قوعامدىق پىكىر ساۋالناماسىن وتكىزۋ شارتىن بۇزعانى ءۇشىن جاۋاپكەرشىلىك ورناتىلىپ جاتىر; اۋىلدىڭ دەڭگەيدەگى اكىمدەردىڭ وكىلەتتىكتەرىن توقتاتۋ جانە قىزمەتكە تاعايىنداۋ ءتارتىبى ايقىندالادى. زاڭ جوبالارى پالاتانىڭ قاراۋىنا بەرىلدى.
