وتكەن اپتادا فرانتسيادا كەلىسسوزدەر وتكىزىلدى, ولاردىڭ قورىتىندىسى بويىنشا بىرلەسكەن كاسىپورىن قۇرۋ ماقساتىندا Kazakh Invest, ECM Technologies فرانتسۋز كومپانياسى جانە قىتايلىق CEEC–NWPC International كومپانياسى ۇشجاقتى كەلىسىمگە قول قويدى. بۇل كەلىسىم اياسىندا كۇن ەلەمەنتتەرىنىڭ تولىق تسيكلىن ءوندىرۋ عانا ەمەس, سونىمەن قاتار ستانتسيالار قۇرىلىسىن باستان-اياق سالۋ دا قاراستىرىلعان. العاشقى تاپسىرىستار رەسەيدە (300 مۆت) جانە ورتالىق ازيا ەلدەرىندە جوسپارلانىپ وتىر. سونىمەن قاتار, Kazakh Invest قولداۋىمەن قىتاي كومپانيالارى قر-دا جوعارى تەحنولوگيالىق وندىرىستەردى ىسكە قوسۋدا.
Kazakh Invest باسقارما توراعاسى ساپاربەك تۇياقباەۆتىڭ ايتۋىنشا, ىسكەرلىك كەڭەس اياسىندا 15 جوباعا قول قويىلعان, ولار نەگىزىنەن يننوۆاتسيالىق وندىرىستەر.
ماسەلەن, CITIC Construction Co. ۆيتسە-پرەزيدەنتى دجينچيانگ يانگپەن بىرلەستىكتە جوعارعى كلاستى جاعارماي, بەنزين جانە ديزەل فراتسيالارى, مينەرالدى وتىن جانە سۇيىلتىلعان كومىرسۋتەك گازدارى ءوندىرىسى بويىنشا كەلىسىمگە قول قويدى.
سونىمەن قاتار Hebei Hua Tong Cable كومپانياسىمەن جاسالعان كەلىسىم قاراعاندى وبلىسىندا كابەل ونىمدەرىنىڭ ءوندىرىسى جوباسىن ىسكە اسىرۋعا باعىتتالعان. «فارما بەيچجۋن-يلين» كومپانياسىمەن قىتاي مەديتسيناسى جانە دارىلىك شوپتەر ءوسىرۋ ورتالىعىن قۇرۋ بويىنشا ىنتىماقتاستىق تۋرالى كەلىسىمگە قول قويىلدى.
بۇدان وزگە, «قازازوت» اق, Cathay Industrial Biotech جانە CITIC Construction Co. اراسىندا قر-دا بيوحيميالىق كلاستەردى دامىتۋ تۋرالى قۇجاتتارعا; «الليۋر كومپانيالار توبى» اق, قىتايلىق سمس كومپانياسى جانە «بايتەرەك» حولدينگى اراسىندا اۆتوموبيل كلاستەرىن ودان ءارى دامىتۋ جونىندەگى جول كارتاسىنا; «اگروماشحولدينگ KZ» اق مەن YTO اراسىندا تراكتورلار قۇراستىرۋ ءوندىرىسىن ۇيىمداستىرۋ بويىنشا مەموراندۋمعا, سونىمەن قاتار Kazakh Invest, ECM Technologies فرانتسۋز كومپانياسى جانە قىتايلىق CEEC–NWPC International كومپانياسى اراسىندا جاڭارتىلاتىن ەنەرگەتيكا سالاسىنداعى جوبالاردى جۇزەگە اسىرۋ بويىنشا ىنتىماقتاستىق تۋرالى كەلىسىمگە قول قويىلدى.
ايتا كەتەيىك, قازاقستانداعى كۇن ەلەكتر ستانتسيالارىنىڭ قۇرىلىسىنا ينۆەستيتسيالاردىڭ جالپى كولەمى $300 ملن كولەمىندە جوسپارلانعان, ولار NPWC كومپانياسىنىڭ جانە قىتاي قارجىلىق ينستيتۋتتارىنىڭ قاتىسۋىمەن تارتىلاتىن بولادى.
ەستەرىڭىزگە سالا كەتەيىك, بەيجىڭدە جالپى سوماسى شامامەن $13 ملرد قۇرايتىن ەكونوميكالىق سيپاتتاعى 40 قۇجاتقا قول قويىلدى, ولاردىڭ 15-ءى — Kazakh Invest اتسالىسۋىمەن. بۇل كەلىسىمدەرگە سايكەس قازاقستان اۋماعىندا ماشينا جاساۋ, بيوتەحنولوگيالار جانە ت.ب. سالالاردا جاڭا جوعارى تەحنولوگيالىق وندىرىستەردى ىسكە قوسۋ جوسپارلانعان.
