جۇمىس ساپارى بارىسىندا اقتاۋ جانە جاڭاوزەن قالالارىندا بىرقاتار ونەركاسىپتىك جانە الەۋمەتتىك ينفراقۇرىلىم نىساندارى تەكسەرىلىپ, وبلىستىڭ جۇرتشىلىعىمەن, اكتيۆىمەن جانە كاسىپكەرلەرىمەن كەزدەسۋلەر وتكىزىلەدى.
پرەمەر-مينيستر جاڭاوزەندە ەلباسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋى اياسىندا «وزەنمۇنايگاز» اق جاڭا وندىرىستىك بازاسىنىڭ مىسالىندا ءىرى ونەركاسىپتىك نىسانداردى تسيفرلاندىرۋ بارىسىمەن تانىسادى.
جاڭاوزەن قالاسىن الەۋمەتتىك-ەكونوميكالىق دامىتۋدىڭ كەشەندى جوسپارىنا ەنگىزىلگەن «وزەن جىلۋ» مكك شاعىن–جەو نىسانىندا تۋربينالىق قوندىرعىنىڭ جۇمىس ىستەۋى جانە الداعى جىلۋ بەرۋ ماۋسىمىنا قازاندىقتىڭ دايارلىعى تەكسەرىلەدى.
پوليتەحنيكالىق كوللەدجدى ارالاۋ كەزىندە باقىتجان ساعىنتاەۆقا ءبىلىم بەرۋ جۇيەسىن تسيفرلاندىرۋ بويىنشا قابىلدانىپ جاتقان شارالار تۋرالى باياندالادى. وسىندا قالا جۇرتشىلىعىمەن جانە اكتيۆىمەن الەۋمەتتىك-ەكونوميكالىق دامۋ, جاڭاوزەندى دامىتۋدىڭ كەشەندى جوسپارىن ىسكە اسىرۋ, كاسىپكەرلىكتى, تسيفرلاندىرۋدى كەڭەيتۋ جانە ودان ءارى دامىتۋ ماسەلەلەرى بويىنشا كەزدەسۋ وتكىزىلەدى.
قر پرەمەر-ءمينيسترى وبلىس ورتالىعىندا «شليۋمبەرجە» كومپانياسىنىڭ وندىرىستىك بازاسىن جانە «Aktau Steel» جشس مەتاللۋرگيالىق زاۋىتىن تەحنولوگيالىق جاڭعىرتۋ جانە تسيفرلاندىرۋ اياسىندا جاڭا وندىرىستىك جانە سەرۆيستىك مۇمكىندىكتەرمەن تانىسادى.
اقتاۋعا جۇمىس ساپارىنىڭ باعدارلاماسىندا كاسىپكەرلەرگە قىزمەت كورسەتۋ ورتالىعىنىڭ جۇمىسىمەن تانىسۋ جوسپارلانعان. مۇندا شوب دامىتۋعا باعىتتالعان ء«بىر تەرەزە» قاعيداتى بويىنشا قىزمەت كورسەتۋ ساپاسىنا, جانە كاسىپكەرلىك قىزمەت تۋرالى جاڭا زاڭدى ىسكە اسىرۋعا دايىندىق ماسەلەلەرىنە باسا نازار اۋدارىلادى.
ماڭعىستاۋ وبلىسىنىڭ اكىمدىگىندە باقىتجان ساعىنتاەۆ وبلىس اكتيۆىمەن جانە بيزنەس وكىلدەرىمەن ءوڭىردى دامىتۋدىڭ وزەكتى ماسەلەلەرى مەن مەملەكەت باسشىسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىن ىسكە اسىرۋ ماسەلەلەرى بويىنشا كەزدەسۋ وتكىزەدى. كۇن تارتىبىندە — تەحنولوگيالىق جاڭعىرتۋ, تسيفرلاندىرۋ, ەكونوميكانى ودان ءارى ءارتاراپتاندىرۋ, كادرلاردى دايارلاۋ, ەڭبەك رەسۋرستارىن باسقارۋ جانە بيزنەستى دامىتۋ ماسەلەلەرى.
ەسكە سالا كەتەيىك, باقىتجان ساعىنتاەۆ مەملەكەت باسشىسىنىڭ تاپسىرماسى بويىنشا وڭىرلەرگە جۇمىس ساپارلارىن جالعاستىرۋدا. بۇعان دەيىن پرەمەر-مينيستر قىزىلوردا, وڭتۇستىك قازاقستان, اتىراۋ, قاراعاندى جانە قوستاناي وبلىستارىنا جۇمىس ساپارلارىمەن بارىپ قايتتى.
