احقو باسقارۋشىسى قايرات كەلىمبەتوۆ پەن قىتاي بانكىنىڭ اتقارۋشى ۆيتسە-پرەزيدەنتى جەن دەتسي ستراتەگيالىق سەرىكتەستىك تۋرالى مەموراندۋمعا قول قويدى. تاراپتار جوعارى ساپالى سەرۆيستى قامتاماسىز ەتۋ جانە جاڭا بانك ونىمدەرىن ازىرلەۋ ءۇشىن ترانسشەكارالىق بيزنەستى ودان ءارى دامىتۋدىڭ مۇمكىندىكتەرىن بىرلەسىپ زەردەلەۋگە نيەتتى.
«قىتاي بانكى الەمدەگى ەڭ جەتەكشى قارجى ينستيتۋتتارىنىڭ ءبىرى, سوندىقتان ونىڭ تاجىريبەسى احقو-نى قارجى قىزمەتتەرىنىڭ وڭىرلىك حابى رەتىندە قالىپتاستىرۋ ءۇشىن وتە ماڭىزدى. بانكتىڭ سەرىكتەستەرىنىڭ جاھاندىق جەلىسى احقو-عا وزىق قارجى تەحنولوگيالارىن تارتۋعا كومەكتەسەدى», – دەدى
ق. كەلىمبەتوۆ.
ساپار اياسىندا سونداي-اق جىبەك جولى قورىمەن (بۇدان ءارى – ججق) ستراتەگيالىق سەرىكتەستىك تۋرالى مەموراندۋمعا قول قويىلدى. قۇجات اكتسيونەرلىك كاپيتال جانە ينۆەستيتسيالىق قورلار ارقىلى ينۆەستيتسيالىق جانە قارجى قىزمەتتەرىن ۇسىنۋ جولىمەن ەكى ەل ەكونوميكاسىن دامىتۋ مەن گۇلدەندىرۋگە ىقپال ەتۋگە ارنالعان.
قر پرەزيدەنتى ن.ءا. نازارباەۆتىڭ ساپارى اياسىندا تاراپتاردىڭ احقو الاڭىندا قىتاي مەملەكەتتىك دامۋ بانكىنىڭ (بۇدان ءارى – قمدب) رەسمي وكىلدىگىنىڭ اشىلۋى تۋرالى بىرلەسكەن مالىمدەمەسى ماڭىزدى وقيعالاردىڭ ءبىرى بولدى. بۇل قمدب-ءنىڭ ورتالىق ازياداعى ءبىرىنشى, ال الەمدەگى جەتىنشى وكىلدىگى, ولاردىڭ ىشىندە لوندون, ماسكەۋ, ريو-دە-جانەيرو جانە ت.ب. قالالارى بار.
قمدب-ءنىڭ استانا قالاسىنداعى رەسمي وكىلدىگىنىڭ اشىلۋى قر ۇيىمدارى مەن كاسىپورىندارىنا ۇزاقمەرزىمدى جانە تۇراقتى قارجىلىق قولداۋ كورسەتۋ ارقىلى قازاقستانمەن پراكتيكالىق ىنتىماقتاستىقتى تەرەڭدەتۋگە ىقپال ەتەدى.
