ەلباسى ن.نازارباەۆ جولداۋىندا: «اگرارلىق عىلىمدى دامىتۋ ماسەلەسى باستى نازاردا بولۋعا ءتيىس. ول ەڭ الدىمەن جاڭا تەحنولوگيالاردى ترانسفەرتتەۋمەن جانە ولاردى وتاندىق جاعدايعا بەيىمدەۋمەن اينالىسۋى قاجەت. وسىعان وراي اگرارلىق ۋنيۆەرسيتەتتەردىڭ ءرولىن قايتا قاراۋ كەرەك. ولار ديپلوم بەرىپ قانا قويماي, اۋىل شارۋاشىلىعى كەشەنىندە ناقتى جۇمىس ىستەيتىن نەمەسە عىلىممەن اينالىساتىن مامانداردى دايارلاۋعا ءتيىس. بۇل جوعارى وقۋ ورىندارىنان وقۋ باعدارلامالارىن جاڭارتىپ, اگروونەركاسىپ كەشەنىندەگى وزىق ءبىلىم مەن ۇزدىك تاجىريبەنى تاراتاتىن ورتالىقتارعا اينالۋ تالاپ ەتىلەدى», دەگەن-ءدى.
قازاق ۇلتتىق اگرارلىق ۋنيۆەرسيتەتى وسى تالاپ نەگىزىندە وقۋ ۇدەرىسىندە يننوۆاتسيالىق جانە وزىق ادىستەردى پايدالانا وتىرىپ, اۋىلشارۋاشىلىق ماماندارىن دايارلاۋ ساپاسىن ۇدايى ارتتىرۋ قاعيداتىن بەرىك ۇستانىپ كەلەدى. وقۋ ورنى بازاسىندا اگروتەحنولوگيالىق حاب قۇرامىنا كىرەتىن قازاقستان-جاپونيا, قازاقستان-بەلارۋس اگروينجەنەرلىك, سۋ, تۇراقتى ەگىن شارۋاشىلىعى, اگروونەركاسىپتىك كەشەنگە ساندىق تەحنولوگيالاردى ەنگىزۋمەن اينالىساتىن سيتۋاتسيالىق ورتالىقتار, يننوۆاتسيالىق جىلىجاي, كوللەكتسيالىق باق, مەملەكەتتىك يندۋستريالىق-يننوۆاتسيالىق دامۋ باعدارلاماسى شەڭبەرىندە ماماندار دايارلاۋعا ارنالعان عىلىمي-زەرتتەۋ زەرتحانالارى, «ن.نازارباەۆ ءبىلىم جانە عىلىم» ورتالىعى, «اگرارلىق ءبىلىم-عىلىم-ءوندىرىس ينتەگراتسياسى» كورمەسى بار جانە وسى اتالعاندار قىزۋ جۇمىس ىستەپ تۇر.
وقۋ ورنىنا 2001 جىلى رەكتور بولىپ تاعايىندالعان اكادەميك ت.ەسپولوۆتىڭ شەبەر ۇيىمداستىرۋشىلىعىنىڭ ناتيجەسىندە بۇگىنگە دەيىن قازاق ۇلتتىق اگرارلىق ۋنيۆەرسيتەتىندە كوزگە كورىنەر قوماقتى, اۋىز تولتىرىپ ايتارلىقتاي اۋقىمدى ءىس-شارۋالار اتقارىلىپ كەلەدى. ەلباسى تاپسىرماسىن ورىنداۋ ماقساتىندا اگروونەركاسىپتىك كەشەن سالاسىندا بىلىكتى ماماندار دايارلاۋ جانە اۋىلشارۋاشىلىق وندىرىسىنە ءىت تەحنولوگيالاردى ەنگىزۋ» تاقىرىبىندا 2018 جىلدىڭ 11 ماۋسىمى كۇنى وتەتىن پارلامەنت ءماجىلىسى اگرارلىق كوميتەتىنىڭ كوشپەلى وتىرىسىنىڭ وسى وقۋ ورنىندا ءوتۋى دە باسشىنىڭ بىلىكتىلىگىن بىلدىرسە كەرەك.
ايتا كەتۋ كەرەك, پارلامەنت ءماجىلىسى توراعاسىنىڭ ورىنباسارى ۆ.بوجكو باستاعان دەپۋتاتتاردىڭ قاتىسۋىمەن وتەتىن بۇل شارادا «اگروونەركاسىپتىك كەشەن سالاسىندا كادرلاردى دايارلاۋ جانە اۋىل شارۋاشىلىعى وندىرىسىنە ءىت تەحنولوگيالاردى ەنگىزۋ» بويىنشا ناقتى ۇسىنىستار بەرىلىپ, تالقىلانادى.
ەدىل انىقباي,
جۋرناليستەر وداعىنىڭ مۇشەسى
