"قۇرمەتتى اتا-انالار! قازىرگى ۋاقىتتا مەنينگيتپەن سىرقاتتانۋشىلىقتىڭ ماۋسىمدىق كوتەرىلۋى بايقالادى. سىزدەردەن بالالارىڭىزدىڭ دەنساۋلىق جاعدايىنا بارىنشا مۇقيات بولۋدى سۇرايمىز. مەنينگوكوكك ينفەكتسياسى - باكتەريالار تۋدىراتىن ءجىتى ينفەكتسيالىق اۋرۋ, ول ءارتۇرلى كلينيكالىق بەلگىلەرمەن - سيمپتومسىز تاسىمالداۋشىلىق, نازوفارينگيتتەن (مۇرىن مەن جۇتقىنشاق سىلەمەيلى قابىعىنىڭ قابىنۋى) باستاپ مەنينگوكوكك سەپسيسىنە (قاننىڭ جۇقتىرۋى) دەيىن بولادى", - دەلىنگەن مينيسترلىكتىڭ حابارلاماسىندا.
سونداي-اق, ۆەدومستۆو وكىلدەرى دەرتتىڭ قالاي باستالاتىنىن ايتىپ ءوتتى.
"مەنينگيت كەنەتتەن باستالادى: كۇتپەگەن جەردەن قاتتى باس اۋىرۋ, قۇسۋ, 6-15 ساعاتتان كەيىن بورتپە پايدا بولادى, تەمپەراتۋرا 39-40 گرادۋسقا جەتەدى, ادام قالتىرايدى. تەرى بوزارادى. جالپى السىزدىك, ارقانىڭ جانە اياق-قولدىڭ سىرقىراۋى بايقالادى. ناۋقاس ادام شولدەيدى, تابەتى ناشارلايدى. اۋرۋ جەڭىل تۇردە ءوتۋى مۇمكىن, سوندىقتان وتە قاۋىپتى تۇردە وتەتىنىن ايتا كەتۋ كەرەك, ول تۇماۋ, باسپا, سۋىق تيۋ, تونزيلليت جانە ت.ب. سياقتى "زيانسىز" اۋرۋلارعا ۇقساس بولادى. توڭۋ, اۋىرۋ, قاتتى شارشاۋدان ورگانيزمنىڭ قورعانىش كۇشتەرىنىڭ السىرەۋى سياقتى قولايلى جاعداي پايدا بولعاندا مەنينگوكوكك باس ميىنىڭ قابىعىنا تەز وتەدى جانە قابىنۋدى تۋدىرادى".
ينفەكتسيانىڭ كوزى ناۋقاس ادامدار جانە "دەنى ساۋ تاسىمالداۋشىلار", ياعني قانداي دا ءبىر كلينيكالىق بەلگىلەر جوق, بىراق مەنينگوكوكك تاسىمالداۋشىلارى بولىپ تابىلاتىن ادامدار.
مەنينگيت كەزىندە قانداي ارەكەت جاساۋ كەرەك؟
اۋرۋدىڭ ادەتتەگى سۋىق تيۋ سياقتى جاسىرىن ءوتۋى مۇمكىن ەكەندىگىنە بايلانىستى دارىگەرگە ۋاقتىلى قارالۋ قاجەت. مەنينگيتكە كۇدىك پايدا بولعان جاعدايدا پاتسيەنت ينفەكتسيالىق اۋرۋلار اۋرۋحاناسىنا شۇعىل ەمدەۋگە جاتقىزىلادى. مەنينگيتتىڭ الدىن الۋ ءۇشىن:
- قاجەت بولماسا, ادامدار كوپ جينالاتىن جەرلەرگە, ساۋدا-ويىن-ساۋىق كەشەندەرىنە, ناشار جەلدەتىلەتىن ءۇي-جايلاردا وتكىزىلەتىن مادەني-كوپشىلىك ءىس-شارالارعا بارۋدى شەكتەۋ;
- سۋىقتاماۋ جانە اۋا رايىنا قاراي كيىنۋ كەرەك.
- قولدى جۋىڭىزدار. اۋرۋ جۇقتىرۋدى بولدىرماۋ ءۇشىن قولدى مۇقيات جۋعان وتە ماڭىزدى. بالالارىڭىزدى قولىن ءجيى جۋعا ۇيرەتىڭىزدەر, اسىرەسە تاماق ءىشۋ الدىندا, قوعامدىق ورىندا بولعاننان كەيىن, سونداي-اق جانۋارلاردى ۇستاعاننان كەيىن;
- ءوز دەنساۋلىعىڭىزدى باقىلاڭىزدار. جاقسى دەمالىپ, جۇيەلى تۇردە سپورتپەن اينالىسىپ جانە دۇرىس تاماقتانۋدى ۇستانا وتىرىپ, وزدەرىڭىزدىڭ يممۋندىق جۇيەلەرىڭىزدى ساقتاڭىزدار;
- ناۋقاسپەن قارىم-قاتىناستا بولعان ادامدار مەديتسينا قىزمەتكەرلەرىنىڭ باقىلاۋىمەن پروفيلاكتيكالىق ماقساتتا انتيبيوتيكتەردى قابىلداۋ جونىندەگى دارىگەردىڭ تاعايىنداۋىن ورىنداۋى كەرەك.
