"جۇقتىرعاندار كوبەيىپ جاتىر. وكىنىشكە قاراي, قايتىس بولىپ جاتقاندار بار. وسىنىڭ بارلىعىنا تۇسىنىك بەرىپ وتىرۋدى سۇرايمىن. قازىر قوعامدا دا وسى ماسەلە تالقىلانىپ جاتىر. قولدانىلىپ جاتقان شارالار جايلى ايتىپ بەرۋلەرىڭىزدى سۇرايمىن", دەدى پرەمەر-مينيستر دەنساۋلىق ءمينيسترى ەلجان بىرتانوۆقا.
ءمينيستردىڭ بايانداماسىنان كەيىن ساعىنتاەۆ حالىقپەن تۇسىندىرمە جۇمىستارىن جۇرگىزۋ قاجەتتىگىن مالىمدەدى.
"بۇل ماسەلە ءبارىمىزدى الاڭداتىپ وتىر. الەۋمەتتىك جەلىلەردە دە قىزۋ تالقىلانىپ جاتىر. شتاب جۇمىسى كوپشىلىك الدىندا كورسەتىلۋى كەرەك. ءاربىر بولىپ جاتقان جاعداي حالىققا ءتۇسىندىرىلۋى قاجەت. تۇسىندىرمە جۇمىستارىن بەلسەندىرەك جۇرگىزۋ كەرەك. ۆاكتسيناتسيالاۋ ماسەلەسىنە دە جەتكىلىكتى نازار اۋدارىلىپ جاتىر. ماعان كاسىپورىن ديرەكتورلارى, ولاردىڭ قىزمەتكەرلەرى ۆاكتسيناتسيالاۋدىڭ قاجەتتىلىگى جايلى ايتىپ جاتىر. مۇنىڭ بارلىعى جەتكىلىكتى ءتۇسىندىرىلىپ جاتقان جوق", دەدى ب.ساعىنتاەۆ.
سونداي-اق, پرەمەر-مينيستر اكىمدەردەن ءوز وڭىرلەرىندەگى جاعدايدى باقىلاۋعا الۋدى سۇرادى.
ايتا كەتەيىك, وسىعان دەيىن پارلامەنت سەناتىنىڭ توراعاسى قاسىم-جومارت توقاەۆ تا ەلدەگى مەنيگيتكە قاتىستى جاعدايعا پىكىر بىلدىرگەن بولاتىن.
"مەنينگيت ينفەكتسياسىنىڭ تارالۋى كونۋگە بولمايتىن جاعداي. وسى پروفيلدەگى مينيسترلىك كەشىرىلمەيتىن جايباسارلىق پەن باتىلسىزدىق تانىتىپ وتىر", - دەپ جازعان ەدى توقاەۆ Twitter جەلىسىندەگى پاراقشاسىندا.
ال مۇنىڭ الدىندا دەنساۋلىق ساقتاۋ مينيسترى مەنينگوكوكك ينفەكتسياسىنا بايلانىستى كارانتين جاريالانبايتىنىن ايتقان ەدى. "مەنينگوكوكك ينفەكتسياسىن جۇقتىرعاندار مەن قايتىس بولعانداردىڭ سانىن جاسىرمايمىز. قازىر كارانتين جاريالاۋدىڭ قاجەتى جوق. (...) قازاقستاندىقتاردان دارىگەرلەر ايتقان كەڭەستەردى تىڭداۋلارىن سۇرايمىز", - دەگەن ەدى ءبىرتانوۆ.
سونداي-اق, وسىعان دەيىن مينيستر قازاقستاندا 2018 جىلدىڭ باسىنان بەرى مەنينگوكوكك ينفەكتسياسىنان 12 ادامنىڭ قايتىس بولعانىن مالىمدەگەن ەدى.
