بەينەجازبادا قارت اجە مەملەكەت باسشىسىنا باتا بەرىپ, ەلگە ورالۋىنا قولداۋ كورسەتكەن قازاقستاننىڭ سىرتقى ىستەر مينيسترلىگى جانە قىتايداعى ەلشىلىك قىزمەتكەرلەرىنە العىس ايتادى. ونىڭ ۇلى دا شەشەسىنىڭ سوزىنە قوسىلا وتىرىپ ەلىمىزدىڭ ديپلوماتيالىق قىزمەتىنە ريزاشىلىعىن بىلدىرەدى.
«2018 جىلى 2 ماۋسىمدا قازاقستاننىڭ قىتايداعى ەلشىلىگى مەن قىتاي قوعامدىق قاۋىپسىزدىك مينيسترلىگى اراسىنداعى ۋاعدالاستىقتاردىڭ ارقاسىندا قىتاي حالىق رەسپۋبليكاسىنىڭ شىڭجاڭ-ۇيعىر اۆتونوميالىق ولكەسىندە دۇنيەگە كەلگەن 90 جاستاعى ۇلتى قازاق اجە قازاقستانعا قايتا ورالدى», دەپ جازدى ءانۋار جايناقوۆ.
2018 جىلى 29 مامىردا بەيجىڭدە كوشى-قون زاڭناماسىن بۇزعانى جانە قحر اۋماعىندا زاڭسىز بولعانى ءۇشىن قارت ايەل جانە ونىڭ ۇلى ۇستالعان بولاتىن. كەيىننەن انىقتالعانداي, ول جانە ونىڭ وتباسى قىتايعا 2017 جىلى ناۋرىزدا كەلىپ, ۆيزادا بەلگىلەنگەن مەرزىمدى (30 كۇن) ساقتاماي, ءبىر جىلدان استام ەل اۋماعىندا بولعان.
ەلشىلىكتىڭ قىزمەتكەرلەرى قىتاي قۇقىق قورعاۋ ورگاندارىمەن دەرەۋ حابارلاستى. قازاقستاندىقتاردى ۇستاۋ سەبەپتەرى انىقتالعاننان كەيىن ولاردىڭ قازاقستان مەن قىتاي ەلدەرىنىڭ قوس ازاماتتىعى بولعانى بەلگىلى بولدى.
قىتايلىق تاراپ پەن قازاقستان ەلشىلىگىنىڭ كومەگى ارقاسىندا ۇستالعانداردىڭ قىتاي ازاماتتىعىنان ايىرىلۋ تۋرالى قۇجاتتى جانە ولاردى ايىپپۇلسىز ءارى ۋاقىتشا ۇستاۋ يزولياتورىنا قاماۋسىز قازاقستانعا دەپورتاتسيالاۋ تەز ارادا رەسىمدەلدى.
