بۇل سپورتشىعا ءبىز بەكەر توقاتالىپ وتىرعان جوقپىز. قارت قۇرلىق وكىلى ءبىراز ۋاقىتتان بەرى وسكەمەندە ىرگەتاسى قالانعان «Altay athletics» كلۋبى ساپىندا ونەر كورسەتۋدە. بۇعان دەيىن دە ول بىرنەشە جارىستا باق سىناپ, ءوزىن جاقسى قىرىنان كورسەتكەن ەدى. ال اپەننين تۇبەگىندە وتكەن دودادا 3 000 مەترگە كەدەرگىلەر ارقىلى جۇگىرۋ سايىسىن نورا دجەرۋتو ءۇشىنشى ورىنمەن قورىتىندىلادى. ونىڭ كورسەتكىشى – 9 مينۋت 18 سەكۋند. بۇل باسەكەنىڭ باس جۇلدەسىن كەنيانىڭ ايگىلى سپورتشىسى حيۆين كيەنگ دجەپكەموي جەڭىپ الدى. چەمپيون مارە سىزىعىن 9 مينۋت 4 سەكۋندتا قيىپ ءوتتى.
وسى ايدا «گاۋھار ليگاسى» ءتۋرنيرىنىڭ تاعى ءۇش كەزەڭى وتەدى. بۇل باسەكەلەردىڭ جالاۋى نورۆەگيانىڭ وسلو (7 ماۋسىم), شۆەتسيانىڭ ستوكگولم (10 ماۋسىم) جانە فرانتسيانىڭ پاريج (30 ماۋسىم) قالالارىندا جالاۋى جەلبىرەيدى.
