فۋتبول • 24 مامىر, 2018

ەمەري «ارسەنالدى» جاتتىقتىرادى

350 رەت
كورسەتىلدى
1 مين
وقۋ ءۇشىن

 «ارسەنال» كلۋبىن 22 جىل جاتتىقتىرعان ارسەن ۆەنگەر قىزمەتىنەن كەتكەن سوڭ, ونىڭ ورنىنا كوماندانىڭ باس جاتتىقتىرۋشىسى بولىپ يسپانيالىق مامان ۋناي ەمەري تاعايىندالدى. بۇل تۋرالى «كانونيرلەردىڭ» رەسمي  سايتى حابارلادى.

ەمەري «ارسەنالدى» جاتتىقتىرادى

 «ۋنايدىڭ «ارسەنالعا» كەلگەنىنە قۋانىشتىمىز. ول – ناعىز جەڭىمپاز. ءبىز ونىڭ كومانداعا كەرەك جاتتىقتىرۋشى ەكەنىن بىلەمىز. ال ول ءوز كەزەگىندە جانكۇيەرلەردى, كوماندا وكىلدەرىن جانە «ارسەنال» كلۋبىنا قاتىسى بار جانداردى جەڭىسىمەن قۋانتادى دەپ سەنەمىن», دەيدى كلۋب قوجايىنى ستەن كرونكە.

شەتەلدىك باق وكىلدەرىنىڭ جازۋىنشا, 46 جاستاعى مامان «ارسەنالمەن» «2+1» جۇيەسىمەن كەلىسىمشارتقا قول قويىپ, جىلىنا 5 ميلليون فۋنت جالاقى الاتىن بولىپ كەلىسكەن. ۋناي ەمەري وتكەن ماۋسىمدا پسج كلۋبىمەن فرانتسيا چەمپيونى مەن كۋبوگىن يەلەنگەن. الايدا كوماندانىڭ چەمپيوندار ليگاسىنداعى ناتيجەسى باسشىلىقتىڭ كوڭىلىنەن شىقپاعان. سول ءۇشىن ول كوماندادان كەتۋگە ءماجبۇر بولعان.

دايىنداعان ءالي بيتورە,

«ەگەمەن قازاقستان»

سوڭعى جاڭالىقتار