جوباعا قاتىسۋعا 18-35 جاس ارالىعىنداعى قازاقستاندىق قىز-كەلىنشەكتەر شاقىرىلعان. ۇيىمداستىرۋشىلاردىڭ دەرەگى بويىنشا, ءتيىستى مەرزىم ىشىندە ءوتىنىش بىلدىرۋشىلەر سانى جيىرما مىڭنان اسىپ, ىرىكتەۋ كەزەڭىنەن ءۇش مىڭ قاتىسۋشى وتكەن.
ال 13 مامىر كۇنى وتكەن ونلاين-داۋىس بەرۋ ناتيجەسىنە وراي رەسپۋبليكا بويىنشا ەڭ كوپ داۋىس جيناعان 5 قاتىسۋشىنىڭ ەسىمى انىقتالىپ, فينالدىق كەزەڭگە جولداما العان بولاتىن. ولاردىڭ قاتارىندا اديناي ريمحاش (استانا), جانار ساكەنوۆا (اتىراۋ), ايگەرىم قاليەۆا (الماتى), مادينا لەپەسباي (اكتاۋ), قورلان مۇرات (الماتى) بار.
اقتىق باسەكە 19 مامىر كۇنى وتكىزىلدى. فينال قاتىسۋشىلارىن قۇرامىنا تانىمال تۇلعالار مەن ەلىمىزدىڭ مادەنيەت سالاسىنىڭ وكىلدەرى كىرگەن ادىلقازىلار القاسى باعالاپ, جۇزدەن جۇيرىكتەردى انىقتادى. «بايان سۇلۋ» كونديتەرلىك فابريكاسىنىڭ وكىلى جانە ۇيىمداستىرۋ كوميتەتىنىڭ توراعاسى مارلەن ابىلعازينوۆتىڭ ايتۋىنشا, ۇزدىكتەردى انىقتاۋ ارينە وڭايعا سوققان جوق. فينالعا وتكەن بەس جەڭىمپازدىڭ ارقايسىسى جەڭىسكە ابدەن لايىقتى. ءار ارۋدىڭ تابيعاتى دا, تالانتى دا ەرەكشە ەكەندىگى انىق.
فينال شارتىنا سايكەس بايقاۋ تالاپتارىن جاقسى كورسەتكىشتەرمەن ورىنداپ, ادىلقازىلار القاسىنىڭ كوڭىلىنەن شىققان, بيازىلىق پەن ادەمىلىكتى, ينناباتتىلىقتى كورسەتە بىلگەن 19 جاستاعى استانالىق اديناي ريمحاش رەسپۋبليكالىق بايقاۋدا ۇزدىك شىقتى. جەڭىمپاز ارۋعا اۆتوكولىك سىيعا تارتىلدى. سونىمەن بىرگە اديناي ريمحاش جىل بويىنا «بايان سۇلۋ» كونديتەرلىك ماركاسىنىڭ رەسمي بەينەسىن ۇسىناتىن بولادى.
ەلۆيرا سەرىكقىزى,
«ەگەمەن قازاقستان»
الماتى
