جاس تەحنيكتەر 4 كاتەگوريا بويىنشا جارىستى: سىزىق بويىمەن جارىس كەگەلرينگ – كۆادرو, روبوسۋمو جانە روبوفۋتبول. روبوسۋمو كاتەگورياسىنان ءبىرىنشى ورىندى قازالىلىق وقۋشى كەمال سەرىك يەلەندى. كەگەلرينگ-كۆادرو جارىسىنان قىزىلوردالىق باقىتبەك جانداۋلەت پەن سايلىباەۆ اسىلحان جەڭىس تورىنەن كورىنسە, سىزىق بويىمەن جارىستان ىسكەندىر ماعجان مەن ابدۋللاەۆ ورالبەك جەڭىمپاز اتاندى.
جەڭىمپازدار ديپلوم جانە باعالى سىيلىقتارمەن (ساندىق قۇرالدار مەن ورگتەحنيكامەن) ماراپاتتالدى.
سونداي-اق, فەستيۆال اياسىندا قاتىسۋشى مۇعالىمدەرگە ارنالعان شەبەرلىك سىنىپتار وتكىزىلەدى.
وبلىس اكىمىنىڭ ورىنباسارى رۋسلان رۇستەموۆ فەستيۆالگە قاتىسۋشىلاردى ماراپاتتاپ, ايماقتا يت-سالاسى مەن تسيفرلاندىرۋ بويىنشا بارلىق قاجەتتى شارالار قابىلدانىپ جاتقانىن ايتتى.
«سالانىڭ ماڭىزدىلىعىن ەسكەرە وتىرا, ءبىز 2017 جىلدان باستاپ وبلىستاعى 9 وقۋشىلار ۇيىندە روبوتوتەحنيكا ۇيىرمەلەرىن اشىپ, «3D زەرتحانالارىمەن» جابدىقتاۋدى قولعا الدىق. سونداي-اق, 25 يننوۆاتسيالىق مەكتەپتە روبوتوتەحنيكا ەلەكتيۆتى كۋرس رەتىندە ەڭگىزىلدى. ەلباسىنىڭ بيىلعى حالىققا جولداۋىندا قوعامنىڭ بارلىق سالالارىن تسيفرلاندىرۋ, زاماناۋي تەحنولوگيالاردى ەندىرۋ جايىندا كەڭىنەن ايتىلعانى بەلگىلى. ءبىز جاڭا ءححى عاسىردىڭ مۇنايى – ءبىلىم, اقپارات, ساندى تەحنولوگيالار ەكەنىن جاقسى تۇسىنۋگە مىندەتتىمىز!», - دەدى ر.رۇستەموۆ.
ايتا كەتەيىك, قازىرگى تاڭدا وبلىستاعى 9 قوسىمشا ءبىلىم بەرۋ ۇيىمدارىندا 316 جاس ورەن روبوتەحنيكا ۇيىرمەسىنە قاتىسىپ, ءتالىم الۋدا.
ەستەرىڭىزگە سالا كەتەيىك, وتكەن جىلى جەلتوقسان ايىندا HackDay 2017 العاشقى ايماقتىق فەستيۆالى ۇيىمداستىرىلدى, وعان 137 كوماندا قاتىستى. قاتىسۋشىلاردىڭ يەديالارى, ءتىپتى, الماتىدان, استانادان كەلگەن ينۆەستورلار قىزىعۋشىلىق تانىتۋدا.
