شارا اياسىندا وبلىستىق كىتاپحانا وقىرماندارى اۋدان تاريحىنا, ولكەتانۋعا ارنالعان «قانداي كوركەم, تۋعان ولكەم!» اتتى جانە ۇلتتىق تاعامدار كورمەسىن تاماشالادى. وبلىستىق مادەنيەت باسقارماسىنىڭ باسشىسى ەرلان قالماقوۆ وتكەن جىلى باستالعان «كىتاپحانا كۇندەرى» جوباسىن امانگەلدى اۋدانىنىڭ جالعاستىرعانىنا ريزاشىلىعىن ءبىلدىردى.
ء«بىر كۇن عانا وتەتىن شارا بولعانىمەن ونىڭ ىشكى مازمۇنى كەڭ. وقىرماندار وسى اۋداننىڭ تاريحىنا, بۇگىنگى جەتىستىكتەرىنە قاتىستى ماعلۇماتتارعا قانىعادى, اۋىلداعى مادەني ورتالىق–كىتاپحانانىڭ اتقارىپ جاتقان جۇمىستارىمەن تانىسامىز, وسى اۋدان وڭىرىنەن شىققان حالقىمىز قايراتكەرلەرىنىڭ, ونەر جۇلدىزدارىنىڭ, ەڭبەك مايتالماندارىنىڭ ءومىرى مەن شىعارماشىلىعىنا قاتىستى تاعىلىمدى كەزدەسۋلەردىڭ كۋاسى بولامىز. وسىنىڭ بارلىعى دا جۇرتشىلىققا رۋحاني سەرپىلىس بەرەدى» دەدى ەرلان بولات ۇلى.
امانگەلدى اۋداندىق كىتاپحاناسى كۇندەرى شەڭبەرىندە كىتاپحانا قىزمەتكەرلەرى كەلۋشىلەرگە مادەني وشاقتىڭ سوڭعى جىلدارى دامۋى, جەتىستىكتەرى تۋرالى ايتىپ بەردى.
«قازىر امانگەلدى اۋدانىندا 23 كىتاپحانا جۇمىس ىستەيدى. امانتوعاي اۋىلىندا مودەلدىك كىتاپحانا اشىلدى, ورتالىق كىتاپحانادا تسيفرلداندىرۋعا وراي زاماناۋي بيۋاعدارلامامەن جۇمىس ىستەي باستادىق. الداعى ۋاقىتتا «تسيفرلىق قازاقستان» باعدارلاماسىنا وراي اۋدانداعى تاعى ءتورت كىتاپحانانى ەلەكترونداۋ جۇمىستارى, ول ءۇشىن تسيفرلىق اپپاراتتار الۋعا اۋداندا قارجى قاراستىرىلىپ جاتىر. اۋداندا 18 مىڭ تۇرعىننىڭ 11 مىڭى ءبىزدىڭ كىتاپحانالاردىڭ وقىرماندارى. كىتاپحانا اۋىلداعى بىردەن ءبىر مادەني وشاققا اينالعان» دەدى امانگەلدى اۋداندىق ورتالىق كىتاپحانانىڭ ديرەكتورى كوركەم مۇساباەۆا.
امانگەلدى اۋداندىق كىتاپحاناسىنىڭ وبلىس ورتالىعىنداعى كۇندەرى شەڭبەرىندە قازاقستاننىڭ حالىق ءارتىسى ءانۋار بورانباەۆتى ەسكە الۋ كەشى ءوتتى.
ءنازيرا جارىمبەت,
«ەگەمەن قازاقستان»
قوستاناي
