اتالعان شاراعا جاپونيانىڭ قازاقستانداعى توتەنشە جانە وكىلەتتى ەلشىسىنىڭ كەڭەسشىسى وكاۆا سيۋيتيرو, سپورت جانە دەنە شىنىقتىرۋ ىستەرى كوميتەتى توراعاسىنىڭ ورىنباسارى بەكبولات بايجانوۆ, سونداي-اق كلۋبتىڭ نەگىزىن قالاۋشى ەركىن تاتىشەۆ قاتىستى. جاپونيالىق تاراپ قازاقستاندىق كەندو كلۋبىنا 20 دانا كيىم-جابدىقتى سىيعا تارتتى. سونىمەن قاتار جاپونيالىق تاراپ بولاشاقتا اتالعان سپورتتى قازاقستاندا قارقىندى دامىتۋ ءۇشىن جۇمىستار جاسالاتىندىعىن اتاپ ءوتتى.
سالتاناتتى جيىندا جاپونيا ەلشىسىنىڭ كەڭەسشىسى وكاۆا سيۋيتيرو ءسوز سويلەپ, ەكى ەلدىڭ ىنتىماقتاستىعى, ارىپتەستىگى كەڭىنەن دامىپ كەلە جاتقانىن ايتتى.
«2016 جىلى «جەكپە-جەك ونەرى شەبەرلەرىنىڭ ورتالىق ازيا ەلدەرىنە ساپارى» جوباسى اياسىندا قازاقستانعا جاپونياداعى كەندو فەدەراتسياسىنىڭ ءتورت كەندو شەبەرى جانە جاپونيا پرەمەر-ءمينيسترى سيندزو ايۋە كەلگەن بولاتىن. ولار كەلگەن ۋاقىتتا قازاقستاندىق سپورتشىلار بۇل سپورت تۇرىنە قاجەتتى سايمانداردى قازاقستاننان تابۋ قيىن ەكەندىگىن جەتكىزگەن. وسىعان بايلانىستى, جاپونياداعى كەندو فەدەراتسياسى بۇل قۇرال-سايماندار مەن كيىم-كەشەكتى كەندونى قازاقستاندا كەڭىنەن تانىتۋ ءۇشىن سىيعا تارتۋدا», دەدى وكاۆا سيۋيتيرو.
ايتا كەتەيىك, قازاقستانداعى كەندو سپورت كلۋبى 2004 جىلى ايكيدو مەكتەبى بازاسىندا الماتىدا قۇرىلعان. 2004 جىلدان باستاپ كەندو كلۋبى تاجىريبە ءۇشىن قازاقستاندىق سپورتشىلارعا تۇراقتى تۇردە ءىسساپار ۇيىمداستىرىپ تۇرادى. كلۋب مۇشەلەرى ءتۇرلى بەلگىلى جاپونيالىق ماماندارمەن توكيو, نيگاتا, كوفۋ, چيچيبۋ, ساندزيو جانە تاعى باسقا قالالاردا تاجىريبەلەرىن جەتىلدىرىپ تۇرادى.
ءالي بيتورە,
«ەگەمەن قازاقستان»
