مەملەكەت باسشىسى بۇگىندە قازاقستان مەن سينگاپۋر اراسىنداعى دوستىق ءارى ارىپتەستىك قارىم-قاتىناستار جوعارى دەڭگەيدە ەكەنىن اتاپ ءوتتى.
– سينگاپۋرمەن بۇرىننان جاقسى بايلانىسىمىز بار. مەن لي كۋان يۋ مىرزامەن كوپ جىل دوستىق قارىم-قاتىناستا بولدىم. ەلدەرىڭىزدىڭ قازىرگى پرەمەر-مينيسترىمەن دە تىعىز ىنتىماقتاستىقتا جۇمىس ىستەپ كەلەمىز. حالىقارالىق باسقوسۋلاردىڭ بارىندە جۇزدەسىپ, قارىم-قاتىناسىمىزدى ودان ءارى نىعايتۋ جونىندە اڭگىمەلەسەمىز, – دەدى ەلباسى.
نۇرسۇلتان نازارباەۆ قازاقستاننىڭ ءتۋريزمدى دامىتۋعا مۇددەلى ەكەنىن اتاپ ءوتىپ, استانانىڭ تۋريستىك الەۋەتىن ارتتىرۋ ءۇشىن اتقارىلىپ جاتقان شارالار جونىندە ايتتى.
– ءسىز – قوناق ءۇي بيزنەسىندە تانىمال ادامسىز, الەمنىڭ كوپتەگەن ەلدەرىندە جۇمىس ىستەپ ءجۇرسىز. استانا – جاڭا ەلوردا. ءبىز ونى تۋريستىك قالاعا اينالدىرماقپىز. بۇل ءۇشىن ءبىز سينگاپۋردىڭ وسى باعىتتا ءجۇرىپ وتكەن جولىن زەرتتەۋدەمىز, – دەدى مەملەكەت باسشىسى.
ونگ بەنگ سەنگ قازاقستانداعى ءوزىنىڭ العاشقى جۇمىس تاجىريبەسى جونىندە ايتتى.
سينگاپۋرلىك بيزنەسمەن قازاقستاننىڭ نۇرسۇلتان نازارباەۆتىڭ باسشىلىعىمەن قارقىندى تۇردە وركەندەپ, دامۋدىڭ جوعارى ناتيجەلەرىنە قول جەتكىزگەنىن اتاپ ءوتتى.
