ايتا كەتۋ كەرەك, تاۋەلسىز ديالوگ الاڭى اتانىپ كەتكەن فورۋم 8 جىلدان كەيىن ەلىمىزدىڭ وڭتۇستىك استاناسى الماتىعا قايتا ورالىپ وتىر. ءىس-شارا 22-24 مامىر ارالىعىندا The Ritz-Carlton وتەلىندە وتەدى.
قازىرگى تاڭدا ساياسي عىلىمدارىنىڭ دوكتورى داريعا نۇرسۇلتانقىزى نازارباەۆا باسقاراتىن ۇيىمداستىرۋ كوميتەتى جوبا سەرىكتەستەرى جانە سپيكەرلەرىمەن كەلىسسوزدەردى ءتامامداپ, باعدارلامانى تالداپ, قاتىسۋشىلاردى تىركەۋمەن اينالىسۋدا. جۋىردا عانا «House of cards» (كارتوچنىي دوميك) ساياسي تريللەرىنىڭ اۆتورى مايكل دوببس, «VICE News Tonight» كابەلدىك جانە سپۋتنيكتىك تەلەجۇيەسىنىڭ شەتەلدىك جاڭالىقتار ءبولىمىنىڭ باسشىسى نورين دجاميل, رەسەيلىك قوعام قايراتكەرلەرى كسەنيا سوبچاك پەن ماكسيم شەۆچەنكو قاتىساتىندىعىن راستادى.
سونىمەن قاتار تاعى دا بيىلعى فورۋمنىڭ قاتىسۋشىلارى قاتارىندا – ۆۆس تەلەارناسىنىڭ جاڭالىقتار ءبولىمىنىڭ رەداكتورى گەۆين حيۋيتت; پروديۋسەر, رەجيسسەر, «وسكار–2016» نومينانتى («زيما ۆ وگنە» دەرەكتى فيلم) ەۆگەني افينەەۆسكي; امەريكالىق پوليتتەحنولوگ, باراك وباما پرەزيدەنتتىگى كامپانياسىنىڭ ەكەۋىندە دە كەڭەسشى بولعان رودجەر فيسك; CNN تەلەارناسىنىڭ حالىقارالىق جاڭالىقار ءبولىمىنىڭ رەداكتورى رايان سميت; فرانتسيانىڭ بۇرىنعى كولىك ءمينيسترى, ۇلتتىق اسسامبلەيا دەپۋتاتى تەرري مارياني; نوبەل سىيلىعىنىڭ لاۋرەاتى موحان مۋناسينگە; رەسەي ءجۋرناليستى, پروديۋسەر ءارى تەلەجۇرگىزۋشى سوفيكو شەۆاردنادزە; جاسىل تەحنولوگيالار مەن ينۆەستيتسيالىق جوبالار حالىقارالىق ورتالىعىنىڭ توراعا ورىنباسارى, بالامالى ەنەرگەتيكا بويىنشا 2 سامميت ۇيىمداستىرۋشىسى ارمان قاشقىنبەكوۆ جانە ت.ب. بار.
بيىلعى فورۋم تاقىرىبى «ەۆوليۋتسيانىڭ 15 جىلى: الەم قالاي وزگەرەدى جانە ءبىزدى قالاي وزگەرتەدى». فورۋم اياسىندا قازىرگى باق احۋالى مەن بولاشاعى تۋرالى, جاھاندىق الەۋمەتتىك-ەكونوميكالىق جانە ەكولوگيالىق ماسەلەلەر تالقىلانادى.
ورتالىق ازياداعى تاۋەلسىز ديالوگ الاڭى رەتىندەگى ەۋرازيا مەديا فورۋمىنىڭ باستى ميسسياسى - ساراپشىلار, ساياساتكەرلەر, ەكونوميستەر, قوعامدىق پىكىر يەلەرىنىڭ قاتىسۋىمەن قازاقستاننىڭ, ەۋرازيانىڭ, ءتىپتى بۇكىل الەمدىك قاۋىمداستىقتىڭ ەكونوميكالىق, گەوساياسي, الەۋمەتتىك مادەني ماسەلەلەرىن تالقىلاۋ.
فورۋم ءوز تاريحىندا 6000 اسا شەتەلدىك قاتىسۋشىلاردى, ولاردىڭ قاتارىندا تانىمال جۋرناليستەر, بەلگىلى ساياساتكەرلەر, مىقتى ەكونوميستەر, نوبەل سىيلىعىنىڭ لاۋرەاتتارى, قوعام قايراتكەرلەرى, عالىمدار مەن كاسىپكەرلەردى قازاقستانعا جينادى.
بۇل رەتتە, فورۋم ۇيىمداستىرۋشىلارى قازاقستاننىڭ الەم الدىنداعى بەدەلىنىڭ كۇن ساناپ ارتىپ كەلە جاتقاندىعىن, فورۋمنىڭ مۇندا ءتيىمدى ءارى زاماناۋي قۇرال رەتىندە ءرولىن اتاپ وتپەكشى. فورۋم ءوزىنىڭ بەلسەندى جۇمىسىنىڭ ارقاسىندا بۇگىندە دۇنيە ءجۇزى بويىنشا بەدەلدى مەديا الاڭ اتانعان. ونىڭ دالەلى رەتىندە 1500 ايتۋلى باق: Euronews, CNN, BBC, Associated Press Television News, Reuters, Bloomberg, New York Times, Al Jazeera English, يتار-تاسس, ريا «نوۆوستي», ربك, Russia Today, پەرۆىي كانال, يا «دجيحان» جانە ت.ب. قاتىسقاندىعى بولا الادى.
بيىلعى فورۋم تاقىرىپتارى: «حالىقارالىق قارىم-قاتىناستاعى ەۆوليۋتسيا», «ەۋروپالىق وداق ەۆوليۋتسياسى», «قورشاعان ورتا ەۆوليۋتسياسى», «اقپاراتتىق تەحنولوگيالار: ناقتى دەرەك پەن فەيك جاڭالىقتار», «بلوگسفەرانىڭ كۇشەيۋى: پروگرەسس پە, الدە قاۋىپ پە؟» جانە تاعى باسقا.
ءىس-شارانىڭ باس سەرىكتەسى «سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامى.
XV ەۋرازيالىق مەديا فورۋمعا تىركەلۋ 18-مامىرعا دەيىن جالعاسادى. تىركەۋ ءۇشىن http://eamedia.org/ru/ سىلتەمەسىنە وتۋگە بولادى. ورىن ساناۋلى.
