اسقار مامين قر پرەزيدەنتىنىڭ 2018 جىلعى قاڭتاردا اقش-قا بارعان رەسمي ساپارى اياسىندا ەكى مەملەكەتتىڭ ستراتەگيالىق ىنتىماقتاستىعىن ودان ءارى دامىتۋ ءۇشىن قول جەتكىزىلگەن ۋاعدالاستىقتاردىڭ ماڭىزدىلىعىن اتاپ ءوتتى.
«قازاقستان پرەزيدەنتى ن. ءا. نازارباەۆ جاساعان ساپاردىڭ قورىتىندىسى بويىنشا قۇنى $7 ملرد اساتىن كوممەرتسيالىق كەلىسىمشارتتار جاسالدى. كەلىسىمدەر ەكونوميكانىڭ ءتۇرلى سەكتورلارىندا بىرلەسكەن ينۆەستيتسيالىق جوبالاردى دامىتۋدى كوزدەيدى», — دەدى قر ءبىرىنشى ۆيتسە-پرەمەرى.
ول قازاقستاندا بيزنەس احۋالدى جاقسارتۋ, ينۆەستيتسيالىق تارتىمدىلىقتى ارتتىرۋ ءۇشىن بارلىق قاجەتتى جاعدايلار جاسالىپ جاتقانىن اتاپ ءوتتى.
«ايماققا باعىتتالعان تىكەلەي ينۆەستيتسيالاردىڭ 80%-ءى قازاقستانعا تارتىلدى. اقش قر-نىڭ ءىرى ينۆەستورى سانالادى», — دەپ ا. مامين امەريكالىق ءىرى كومپانيالار مۇناي-گاز سالاسىندا, تاۋ-كەن ونەركاسىبىندە جانە ەكونوميكانىڭ باسقا دا سالالارىندا تابىستى جۇمىس جاساپ جاتقانىن ايتتى. ەكونوميكانىڭ ءارتۇرلى سەكتورلارىمەن اينالىساتىن 500 قازاقستاندىق-امەريكالىق كومپانيانىڭ قاتىسۋىمەن بىرلەسكەن كاسىپورىندار بەلسەندى دامىپ كەلەدى.
ا. مامين ىسكەرلىك ورتانى ودان ءارى جەتىلدىرۋ بويىنشا ۇكىمەتتە قابىلدانعان شارالار تۋرالى حاباردار ەتتى جانە ەكونوميكانى جاڭعىرتۋ, ءارتاراپتاندىرۋ, تسيفرلاندىرۋ سالاسىنداعى مىندەتتەردى جۇزەگە اسىرۋ بارىسى تۋرالى ايتىپ بەردى.
«استانادا ەكسپو-2017 كورمەسىن ۇيىمداستىرۋ حالىقارالىق بيزنەس-قاۋىمداستىقپەن قارىم-قاتىناستى بەلسەندى دامىتۋعا مۇمكىندىك بەردى. "ەكسپو"-نىڭ بىرەگەي ينفراقۇرىلىمىندا ورنالاسقان "استانا" حالىقارالىق قارجى ورتالىعى ءوز قىزمەتىندە ينۆەستورلاردىڭ مۇددەلەرىن قورعاۋ بويىنشا نيۋ-يورك, سينگاپۋر, لوندون جانە دۋباي قارجى ورتالىقتارىنىڭ ۇزدىك الەمدىك تاجىريبەسىن قولدانادى», — دەدى قر ءبىرىنشى ۆيتسە-پرەمەرى.
فورۋم جۇمىسىنا قازاقستاننىڭ مەملەكەتتىك ورگاندارىنىڭ, «استانا» حالىقارالىق قارجى ورتالىعىنىڭ باسشىلارى, سونداي-اق, اقش-تىڭ 50-دەن استام كومپانياسىنان ىسكەرلىك ورتا وكىلدەرى, ونىڭ ىشىندە امەريكانىڭ جەكە شەتەل ينۆەستيتسيالارى كورپوراتسياسىنىڭ ء(ورىس), دۇنيەجۇزىلىك بانك جانە ەۋروپا قايتا قۇرۋ جانە دامۋ بانكىنىڭ وكىلدەرى قاتىستى.
