ورناتىلاتىن ءبىر بيلبوردتىڭ قۇنى 1 ايعا 45 مىڭ تەڭگە. تاپسىرىس بەرۋشىلەر قالالىق ىشكى ساياسات بولىمىنە حابارلاسىپ, قاي جەرگە ورنالاستىراتىنى تۋرالى بىلە الادى.
وتكەن اپتادا ءى, ءىى دارەجەلى «داڭق» وردەنىنىڭ جانە «ەرلىگى ءۇشىن» مەدالىنىڭ يەگەرى بۇحاريدەن سەرمۇحامبەت ۇلى 109 جاسىندا ومىردەن وزدى. كوشەگە ىلىنەتىن 17 بيلبوردتىڭ ىشىندە مارقۇم ارداگەردىڭ دە پورترەتى بار. بۇل بيلبوردتاردى ىلۋگە قالالىق بيۋدجەتتەن ارنايى قارجى ءبولىنىپتى.
سوعىس ارداگەرلەرى مەن مۇگەدەكتەرىنە 150 مىڭ تەڭگە كولەمىندە ءبىر رەتتىك الەۋمەتتىك كومەك بەرىلەدى. ال, سوعىس جىلدارىندا قايتىس بولعان اسكەريلەردىڭ اتا-اناسىنا, لەنينگراد قورشاۋىندا بولعان قالا تۇرعىندارىنا, ءفاشيزمنىڭ كونتسلاگەرلەرىندە بولعان كامەلەتكە دەيىنگى تۇتقىندار مەن گەتتو جانە باسقا ءماجبۇرلى قاماۋدا بولعاندارعا, تىل ەڭبەككەرلەرى, قايتىس بولعان مۇگەدەكتەردىڭ جەسىرلەرىنە 24 مىڭ تەڭگەدەن بەرىلەدى. وبلىستا بۇل كۇندەرى 100 سوعىس ارداگەرى بار بولسا, ونىڭ 71-ءى وبلىس ورتالىعىندا تۇرادى.
فاريدا بىقاي,
«ەگەمەن قازاقستان»
پاۆلودار
