2012 جىلدىڭ 15 قاڭتارىندا وتەتىن پارلامەنت ءماجىلىسىنىڭ جانە ءماسليحاتتاردىڭ دەپۋتاتتارىن سايلاۋ بويىنشا ەلەكتوراتتىق ناۋقاندى كورسەتۋ كەزىندە ەتيكالىق نورمالاردى ۇستانۋ تۋرالى حارتيا

ءسوز بوستاندىعى ادامنىڭ اجى­راعىسىز قۇقىعى بولىپ تابى­لاتىنىن نازارعا الا وتىرىپ; بوستاندىق قۇقىن جاريا­لاي­تىن ادام قۇقىنىڭ جالپىعا ور­تاق دەكلاراتسياسىنىڭ اقپارات­تار­دى ىزدەۋ, الۋ جانە تاراتۋ ءجو­نىندەگى 19-بابىنىڭ ەرەجەسىن ەسەپكە الا وتىرىپ; قازاقستان رەسپۋبليكاسى كونس­تيتۋتسياسىنىڭ اقپاراتتاردى زاڭ تىيىم سالمايتىن كەز كەلگەن ادىستەرمەن الۋ جانە تاراتۋ قۇقى, تسەنزۋراعا تىيىم سالۋ, كونستي­تۋ­تسيا­لىق قۇرىلىستى, رەسپۋبلي­كا­نىڭ تۇتاستىعىن كۇشتەپ وزگەر­تۋگە ۇگىتتەۋ نەمەسە ناسيحاتتاۋ, مەملەكەت تۇتاستىعىن بۇزۋ, مەملەكەت قاۋىپسىزدىگىنە نۇقسان كەلتىرۋ, سوعىستى,  الەۋمەتتىك, ءناسىل­دىك, ۇلتتىق, ءدىني, تاپتىق جانە رۋ­لىق ۇستەمدىكتى, سونداي-اق قا­تى­گەزدىك پەن زورلىق-زومبىلىققا تابىنۋ­شىلىققا تىيىم سالۋ ەرە­جەلەرىن باسشىلىققا الا وتىرىپ; اقپاراتتىڭ ادام قۇقى مەن بوستاندىعىن جۇزەگە اسىرۋدا, ازاماتتىق قوعام, دەموكراتيالىق جانە قۇقىقتىق مەملەكەت قۇرۋدا, تازا جانە ءادىل سايلاۋلار وتكىزۋدە ءبىرىنشى كەزەكتى ءرول اتقاراتىنىن اتاپ كورسەتە وتىرىپ: بىزدەر, قازاقستان جۋرناليستەرى مەن باق سالاسىنداعى ۇكى­مەتتىك ەمەس ۇيىمدار وكىلدەرى ساي­لاۋلار وتكىزۋ كەزەڭىندە اتال­عان حارتيا قاعيداتتارىن ساق­تاۋ­دى مىندەتتەنەمىز. 1. بۇل حارتيا قازاقستان رەس­پۋبليكاسىنىڭ كونستيتۋتسياسىنا, قازاقستان رەسپۋبليكاسىنىڭ «ساي­لاۋلار تۋرالى» جانە «بۇ­قارالىق اقپارات قۇرالدارى تۋ­رالى» زاڭ­دارىنا سايكەس جا­سالعان. 2. بۇل حارتيانىڭ نەگىزگى ماقساتى قازاقستاندىقتاردى سايلاۋ ۇدەرىسى, سونداي-اق پارتيالار مەن ءماسليحاتتار دەپۋتاتتارىنا كانديداتتاردىڭ قىزمەتتەرى تۋ­رالى بۇقارالىق اقپارات قۇرال­دارىندا ادەكۆاتتى, تولىق جانە سەنىمدى اقپاراتتارمەن قامتا­ماسىز ەتۋ بولىپ تابىلادى. 3. باق-تار, ساياسي كوزقاراس­تا­رىنا قاراماستان, وزدەرىنىڭ پار­تيالىق تىزىمدەرىن تىركەتكەن بار­لىق پارتيالار مەن ءماسليحات دە­پۋتاتتىعىنا كانديداتتارعا تەڭ­دەي قولجەتىمدىلىككە ىقپال ەتە الادى جانە سولاي ەتۋگە ءتيىستى. 4. بۇل حارتيا باق-تاردى سايلاۋ ۇدەرىستەرىن ونىڭ بارلىق كوپ­قىرلىلىعى بويىنشا كاسىبي جانە وبەكتيۆتى كورسەتۋگە ىقپال ەتۋگە شاقىرۋى كەرەك. 5. وسىعان بايلانىستى, بىزدەر, قازاقستان جۋرناليستەرى مەن ۇكىمەتتىك ەمەس ۇيىمدار وكىلدەرى, سايلاۋلاردى كورسەتۋ كەزىندە مىنا قاعيداتتاردى ۇستانا­تىن­دارىمىزدى مالىمدەيمىز: 1) قازاقستان رەسپۋبليكاسى­نىڭ زاڭنامالارىن بۇلجىتپاي ساقتاۋ; 2) سايلاۋ تاقىرىبىنا ارنال­عان بارلىق  رەداكتسيالىق ماتە­ريال­داردىڭ وبەكتيۆتى, الالاۋ­سىز, سونداي-اق بارلىق پارتيالار مەن ءماسليحات دەپۋتاتتارىنا قا­تىس­تى ءادىل بولۋلارىنا ىقپال ەتۋ; 3) ءسوز قوزعالعان ادامنىڭ جەكە باسىنا نۇقسان كەلتىرۋى ىق­تيمال اقپاراتتاردى تاراتپاۋ; 4) لاۋازىمدى تۇلعالاردىڭ قىز­مەتى مەن كانديداتتاردىڭ, سايا­سي پارتيالاردىڭ سايلاۋالدى ۇگىت جۇمىستارىنىڭ اراجىگىن ناق­تى اجىراتا ءبىلۋ; 5) اقپارات كوزدەرىن, اسىرەسە, ەگەر ولار كۇدىك تۋدىراتىن بولسا تەكسەرۋگە الۋ; 6) ۇگىت جاريالانىمدارى مەن اقپاراتتىق حابارلامالار ارا­سىن­داعى ايىرماشىلىقتى ناقتى اجىراتۋ; 7) سايلاۋ ۋچاسكەلەرىنەن شىق­قان بەتتە سۇراۋ سالۋلار ءناتي­جە­لەرى تۋرالى نەمەسە سايلاۋعا بەس كۇن قالعانداعى جانە داۋىس بەرۋ كۇنگى الدىن الا ناتيجەلەر تۋ­رالى ماتەريالداردى تاراتپاۋ. 6. بۇل حارتيا ءوزارا قۇرمەتكە نەگىزدەلگەن ءوزارا قارىم-قاتىناس جۇيەسىن قۇرۋدى, بارلىق ءوزارا ىقپالداسۋشى تاراپتاردىڭ ءمۇد­دە­لەرىن تانۋ مەن ەسەپكە الۋدى, سەنىمدى جانە تولىق اقپاراتقا سۇيەنگەن جوعارى ساياسي مادە­نيەتتى قاراستىرادى. حارتيا ادامنىڭ, قوعام مەن مەملەكەتتىڭ جالپىعا بىردەي تا­نىلعان قۇقىقتارى مەن بوستان­دىق­تارىنىڭ ءسوزسىز باسىمدىعىنا باعىتتالعان جانە ساياسي پروب­لەمالاردى شەشۋدە ءبىر-بىرىنە ءوزارا جول بەرىپ, كۇش قولدانۋ پىشىندەرىن بولدىرماۋدى ارقاۋلان­عان ساياسي ءوزارا ءىس-قيمىلدىڭ كەلىسىمدىك نەگىزىن قاراستىرادى.