ول اككرەديتتەۋ ونىمدەر مەن قىزمەتتەرگە باعا بەرەتىن سايكەستىكتى باعالاۋ جونىندەگى ورگانداردىڭ قۇزىرەتتىلىگىنە قوعامدىق سەنىمدى قامتاماسىز ەتۋ تەتىگى ەكەنىن اتاپ ءوتتى.
بۇدان وزگە, ۇاو-نىڭ اككرەديتتەۋ جونىندەگى حالىقارالىق ۇيىمدارعا مۇشەلىگى ساۋداداعى تەحنيكالىق كەدەرگىلەردى تومەندەتەدى جانە وتاندىق ەكسپورتتاۋشىلاردىڭ باسەكەگە قابىلەتتىلىگىن ارتتىرادى. بۇل وتاندىق ءونىمدى ەكسپورتتاۋعا كومەك كورسەتۋ تەتىگىنىڭ ءبىرى.
ينۆەستيتسيالار جانە دامۋ مينيسترلىگى مەن تەحنيكالىق رەتتەۋ جانە مەترولوگيا كوميتەتىنىڭ جەمىستى جۇمىسىنىڭ ناتيجەسىندە ۇلتتىق اككرەديتتەۋ ورتالىعى 2010 جىلى ILAC-تىڭ تولىق قۇقىلى مۇشەسى, ILAC MRA-نىڭ قول قويۋشىسى بولدى. ال 2013 جىلى IAF-تىڭ تولىق قۇقىلى مۇشەسى جانە IAF MLA كەلىسىمىنىڭ قول قويۋشىسى بولدى.
بۇگىنگى كۇنى 199 زەرتحانا ILAC MRA زەرتحانالىق بىرلەسكەن بەلگىسى شارتىنا قول قويىپ, ونى پايدالانۋ قۇقىعىن الدى.
199 زەرتحاناعا, ياعني قازاقستاننىڭ زاڭدى تۇلعالارىنا 132264 سىناق حاتتامالارىن بەردى, ونىڭ ىشىندە 2678 سىناق حاتتاماسى ەلىمىزدەن تىس جەرلەرگە بەرىلدى.
سونىمەن قاتار سىناق حاتتامالارى نەگىزىنەن بالىق جانە بالىق ونىمدەرىنە, ەت جانە ەت ونىمدەرىنە, شۇجىق ونىمدەرىنە, ءسۇت جانە ءسۇت ونىمدەرىنە, ارا بالىنا, ۇن ونىمدەرىنە (جەم-ءشوپ ارپاسى, جەم-ءشوپ بيدايى, بيداي جارماسى), جۇگەرى, كۇنباعىس, ۇن, كۇنباعىس كۇنجاراسى, سويا كۇنجاراسى, راپس كۇنجاراسى, قوي ءجۇنى, تۇقىمدىق ىقم, تەرى, ىقم تەرىسىنە بەرىلدى, سونداي-اق تابيعي سۋ, مينەرالدى ەمدىك اسحانا سۋىنا بەرىلدى. ءونىم قىرعىزستان, تاجىكستان, وزبەكستان, اۋعانستان, قىتاي, جاپونيا, يران, سەربيا, يسپانيا, رەسەي, بەلورۋسسيا, ازەربايجان, گرۋزيا, پولشا ەلدەرىنە ەكسپورتقا شىعارىلدى.
IAF MLA بىرلەسكەن بەلگىسى بار سايكەستىك سەرتيفيكاتى نەگىزىنەن كومىر, لاك, سىر ونىمدەرىنە, راپس كۇنجاراسى, سويا كۇنجاراسى, كونسەرۆىدەگى بالىققا بەرىلىپ, فينليانديا, بەلارۋس, قىرعىزستان, وزبەكستان جانە رەسەي فەدەراتسياسىنا ەكسپورتتالدى.
ينۆەستيتسيالار جانە دامۋ مينيسترلىگى ترمك ۇاو باس ديرەكتورىنىڭ بiرiنشi ورىنباسارى اككرەديتتەۋ جونىندەگى ورگانىمەن اككرەديتتەۋدىڭ جاڭا باعىتتارىن يگەرۋ جانە حالىقارالىق ارەنادا ۇاو-نى تانۋ سالاسىن كەڭەيتۋ بويىنشا جۇرگىزىلگەن بەلسەندى جۇمىس پەن اككرەديتتەۋ سالاسىنداعى ۇردىستەردى اۆتوماتتاندىرۋ جونىندەگى جاسالعان جۇمىستار تۋرالى باياندادى.
بۇگىنگى كۇنى ۇلتتىق اككرەديتتەۋ ورتالىعى اككرەديتتەۋ ءۇردىسىن اۆتوماتتاندىرۋ ءىس-شارالارىن جوسپارلاپ وتىر.
قازىرگى كەزدە ءوتىنىش بەرۋشىگە جەكە كابينەت اشۋ مۇمكىندىگى بار جاڭا سايت ازىرلەندى, 1س بازاسىندا قۇجات اينالىمىن ەنگىزۋ جالعاسۋدا.
2018 جىلعى 1 ماۋسىمعا قاراي اككرەديتتەۋگە ەسق قويىلعان قۇجاتتاردىڭ ەلەكتروندى جيناعىن ەنگىزۋ جوسپارلانىپ وتىر, اككرەديتتەۋ سالاسىنىڭ نىسانىنا وزگەرىستەر ەنگىزىلەتىن بولادى جانە اككرەديتتەۋ ءۇردىسىن اۆتوماتتاندىرۋدى اياقتاۋ 2018 جىلدىڭ 1 جەلتوقسانىنا جوسپارلانعان.
وسىنىڭ ناتيجەسىندە اككرەديتتەۋ ءۇردىسىنىڭ سحەماسى ۇسىنىلىپ وتىر. ونىڭ اياسىندا ءوتىنىم 3 جۇمىس كۇنى ىشىندە (توپ جاساۋ, رەسۋرستاردى تالداۋ, جيناقتىلىق, كالكۋلياتسيا, اككرەديتتەۋ شارتىنىڭ تۇجىرىمى) قارالادى, ساراپتاما جاساۋ ۋاقىتى 15 جۇمىس كۇنىنە دەيىن (اككرەديتتەۋ ماتەريالدارىن ساراپتاۋ, سايكەسسىزدىكتەردى جويۋ (بولعان جاعدايدا), ورنىندا باعالاۋ 5-10 جۇمىس كۇنىنە دەيىن (ورنالاسقان جەرى بويىنشا تەكسەرۋ, سايكەسسىزدىكتى جويۋ (بولعان جاعدايدا), اككرەديتتەۋ تۋرالى شەشىم قابىلداۋ 19 جۇمىس كۇنىنە دەيىن (اككرەديتتەۋ جونىندەگى كوميسسيا جانە اككرەديتتەۋ تۋرالى شەشىم قابىلداۋ, اككرەديتتەۋ اتتەستاتىن بەرۋ جانە سۋبەكتىلەر تىزىلىمىنە ەنگىزۋ).
اككرەديتتەۋ سالاسىنداعى ۇردىستەردى اۆتوماتتاندىرۋ ناتيجەسىندە اككرەديتتەۋ جۇمىسىن جۇرگىزۋدىڭ جالپى مەرزىمى قازىرگى كەزدەگى 162 كۇننەن 67 جۇمىس كۇنىنە دەيىن قىسقاراتىن بولادى.
قابىلدانعان شارالار اككرەديتتەۋ سالاسىنداعى ۇردىستەردى اۆتوماتتاندىرۋدى, اككرەديتتەۋ راسىمدەرىن جۇرگىزۋدىڭ اشىقتىعىن قامتاماسىز ەتۋگە, قاعازداعى ماتەريالداردى قاراۋدى جانە پوشتا قىزمەتتەرى شىعىندارىن جويۋعا, اككرەديتتەۋ سۋبەكتىلەرىنىڭ كوبەيۋىنە ىقپال ەتۋگە جانە ەكسپورتتى اككرەديتتەۋ قىزمەتتەرىنە قول جەتكىزەدى.
دينارا بىتىك,
«ەگەمەن قازاقستان»
