«مەملەكەت باسشىسى اتاپ وتكەندەي, «جاڭا گۋمانيتارلىق ءبىلىمنىڭ» العاشقى وقۋلىقتارىن تانىستىرۋدا زاماناۋي ۇلت باسەكەلەستىگىنىڭ باستى شارتتارىنىڭ ءبىرى – جاس ۇرپاقتىڭ بىلىمدىلىگى. پرەزيدەنتتىڭ «قازاقستان-2050 ستراتەگياسىن قولداۋ» قوعامدىق قورىنىڭ قارجىلىق كومەگى ارقاسىندا ءبىلىم مەكەمەلەرىن جاڭعىرتۋدىڭ جاڭا ءتاسىلى جۇزەگە استى. جوباعا قاتىسقان الماتىلىق جاستار كلاسسيكالىق كىتاپحانانى جاستاردىڭ كوۆوركينگ ورتالىعىمەن ويداعىداي ۇندەستىرە ءبىلدى», دەپ اتاپ ءوتتى قالا اكىمى باۋىرجان بايبەك.
جاڭارعان ينتەرەرمەن قوسا «تسيفرلى قازاقستان» باعدارلاماسىنا ساي كىتاپحانانىڭ بارلىق كىتاپ قورى سانالىپ, ەلەكتروندى فورماتقا كوشەدى. بۇلاردان وزگە, قايتا جاڭعىرعان جامبىل اتىنداعى كىتاپحانا جالپى كىتاپ قورى 1,8 ميلليون دانا بولاتىن قالانىڭ بىرەگەي كىتاپحانا جۇيەسىنە ەندى.
«مۇندا وقىرمان قاجەتتى اقپاراتتى الىپ قانا قويماي, ءوز پىكىرىمەن ءبولىسىپ, ونى تالقىلاي الادى. ءبىز كەڭىستىكتى زاماناۋي جانە جايلى جاساۋعا تىرىستىق. بۇل وقىرماندارعا قولايلى جاعداي تۋعىزادى», دەيدى جوبا ۇيىمداستىرۋشىلارى.
ەلۆيرا سەرىكقىزى,
«ەگەمەن قازاقستان»
الماتى
