جاس رەجيسسەر ءادىل مۇساتاەۆ تۇسىرگەن دەبيۋتتىك كارتينا اناسىنا حات جازۋدى ارمانداپ جۇرگەن بالالار ءۇيىنىڭ تاربيەلەنۋشىسى تۋرالى باياندايدى.
- فيلمدەگى وقيعا شىنايى ومىردەن الىنعان. بۇل وقيعا وسكەمەن قالاسىنداعى بالالار ۇيىندە بولعان ەكەن. وسى وقيعانى تانىسىمنان ەستي سالا, دايىن دراماتۋرگيانىڭ بار ەكەنىن اڭعارىپ, ونى كينو تىلىنە سالىپ كورمەك بولدىم. وسىنداي بەلدى كينوفەستيۆالدە ءفيلمنىڭ تۇساۋى كەسىلەتىنىنە وتە قۋانىشتىمىن,- دەدى رەجيسسەر ءادىل مۇساتاەۆ.
«وبەرحاۋزەن» كينوفەستيۆالىنىڭ رەسمي سايتىنىڭ مالىمەتى بويىنشا, بيىل فەستيۆالدىڭ نەگىزگى حالىقارالىق بايقاۋىنا 33 ەلدەن 53 قىسقامەتراجدى فيلمدەر كورسەتىلەدى. ولاردىڭ اراسىندا اقش, قىتاي, مىسىر, ارگەنتينا, برازيليا, ءۇندىستان, فرانتسيا, جاپونيا, رەسەي, قازاقستان, فينليانديا جانە تاعى دا باسقا ەلدەردەن فيلمدەر بار. جالپى وسى بايقاۋعا 6000-عا جۋىق فيلمدەر تاپسىرىس تۇسكەن.
الپىس جىلدىق تاريحى بار «وبەرحاۋزەن» حالىقارالىق قىسقامەتراجدى فيلمدەر كينوفەستيۆالى قىسقا مەترلى فيلمدەرگە ارنالعان ەڭ ءىرى بايقاۋلاردىڭ ءبىرى (1954 جىلدان بەرى وتكىزىلىپ كەلەدى). الەمدە ءوتىپ جاتقان قىسقا مەتراجدى فيلمدەرگە ارنالعان بۇل بايقاۋ كۇللى الەمنەن كەلگەن كينوگەرلەرگە كينو توڭىرەگىندە اڭگىمە قۇرىپ, ونى تالقىلاۋعا, جاڭا ترەندتەر مەن ەسىمدەردى اشۋعا كەڭ مۇمكىندىك بەرەتىن بىردەن ءبىر فەستيۆال.
