1992 جىلدان بەرى جۇمىس ىستەيتىن كوميسسيا ورتالىق ازيا مەملەكەتتەرىنىڭ ارال تەڭىزى باسسەينىندەگى سۋ شارۋاشىلىعى ماسەلەلەرىن شەشۋگە ارنالعان الاڭى بولىپ تابىلادى.
شاراعا قر اۋىل شارۋاشىلىعىنىڭ ۆيتسە-ءمينيسترى ەرلان نىسانباەۆ, وزبەكستان رەسپۋبليكاسىنىڭ سۋ شارۋاشىلىعى ءمينيسترى شاۆكات حامراەۆ, تاجىكستان رەسپۋبليكاسىنىڭ ەنەرگەتيكا جانە سۋ رەسۋرستارى ءمينيسترىنىڭ ورىنباسارى راحيمزودا سۋلتون, تۇركىمەنستان سۋ جانە اۋىل شارۋاشىلىعى ءمينيسترىنىڭ ورىنباسارى بايرامدۋردىەۆ ماگتىمگۋلى, قىزىلوردا وبلىسى اكىمىنىڭ ورىنباسارى سەرىك قوجانيازوۆ قاتىسۋدا.
جيىن بارىسىندا قاتىسۋشىلار سۋ توعاندارى ءليميتىن پايدالانۋدىڭ قورىتىندىسىن شىعارىپ, ءامۋداريا جانە سىرداريا وزەندەرىنىڭ باسسەيندەرىندەگى سۋ قويماسى كەشەندەرىنىڭ جۇمىس رەجيمى تۋرالى باياندايدى. سونداي-اق, تاراپتار 2018 جىلعا ارنالعان سۋ توعاندارىنىڭ ءليميتىن بەكىتىپ, سۋ قويماسى كەشەندەرىنىڭ جۇمىس رەجيمىنىڭ بولجامدى كەستەسىن بەكىتۋدى كەلىسەدى.
